Sveitarstjórn

Sveitarstjórn fer með stjórn sveitarfélagsins samkvæmt ákvæðum sveitarstjórnarlaga, annarra laga og samþykkt um stjórn sveitarfélagsins. Sveitarstjórn hefur ákvörðunarvald um nýtingu tekjustofna, lántökur og ráðstöfun eigna og um framkvæmd verkefna sveitarfélagsins. Sveitarstjórnarfundir eru haldnir reglulega í fundarsal á skrifstofu Flóahrepps, fyrsta og þriðja þriðjudag hvers mánaðar. Fundir sveitarstjórnar eru opnir en heimilt er að ákveða að einstök mál skuli rædd fyrir luktum dyrum þegar það telst nauðsynlegt. Fundir sveitarstjórnar hafa verið haldnir í beinu streymi frá 3. september 2024.