Framkvæmda- og veitunefnd

Stjórnskipuleg staða

Nefndin heyrir undir sveitarstjórn og starfar í hennar umboði. Verksvið nefndarinnar eru skipulag, áætlanagerð og umsjón verklegra framkvæmda á vegum Flóahrepps.

Skipun nefndar

Í framkvæmda- og veitunefnd eiga sæti þrír fulltrúar sem sveitarstjórn kýs til fjögurra ára að afloknum sveitarstjórnarkosningum samkvæmt ákvæðum sveitarstjórnarlaga. Á sama hátt eru kjörnir þrír fulltrúar til vara. Sveitarstjórn kýs formann nefndarinnar en á fyrsta fundi sínum kýs nefndin varaformann.

Sveitarstjóri starfar með nefndinni og er ritari hennar. Umsjónarmaður fasteigna situr fundi nefndarinnar þegar þurfa þykir. Einnig eiga sveitarstjórnarfulltrúar rétt á að sitja fundi nefndarinnar með málfrelsi og tillögurétt.

Hlutverk framkvæmda- og veitunefndar

Nefndin hefur faglega umsjón með verklegum framkvæmdum í sveitarfélaginu og gerir tillögur til sveitarstjórnar varðandi verkefni tengd eftirtöldum eignum sveitarfélagsins. Nefndin skal hafa eftirlit með því að stofnanir og deildir starfi innan laga, reglugerða og samþykkta hverju sinni.