Stefna Flóarhepps á grundvelli Heimsmarkmiða Sameinuðu þjóðanna um sjálfbærni

„Á fyrri hluta ársins 2020 var unnin stefna fyrir sveitarfélagið sem byggir á Heimsmarkmiðum Sameinuðu þjóðanna um sjálfbærni.

Stefnan var unnin í samvinnu sveitarstjórnar nefnda og íbúa sveitarfélagsins. Hluti af stefnumótun sveitarfélagsins var að velja þau gildi sem skulu einkenna starfssemi sveitarfélagsins.

Hér fyrir neðan eru tenglar á stefnu Flóahrepps á grundvelli Heimsmarkmiða Sameinuðu þjóðanna um sjálfbærni.

Stefna Flóahrepps

Heimsmarkmiðin

Heimsmarkmið Sameinuðu þjóðanna um sjálfbæra þróun voru samþykkt af fulltrúum allra aðildarríkja Sameinuðu þjóðanna í september árið 2015. Markmiðin, sem gilda á tímabilinu 2016-2030, eru 17 talsins með 169 undirmarkmið og taka bæði til innanlandsmála sem og alþjóðasamstarfs á gildistímanum. Aðalsmerki heimsmarkmiðanna er að þau eru algild og því hafa aðildarríkin skuldbundið sig til þess að vinna skipulega að innleiðingu markmiðanna bæði á innlendum og erlendum vettvangi út gildistíma þeirra.

Heimsmarkmiðin eru samþætt og órjúfanleg og mynda jafnvægi milli þriggja stoða sjálfbærrar þróunar; hinnar efnahagslegu, félagslegu og umhverfislegu. Þá fela þau einnig í sér fimm meginþemu sem eru mannkynið, jörðin, hagsæld, friður og samstarf. Aðalinntak markmiðanna er jafnframt að engir einstaklingar eða hópar verði skildir eftir. Því er mikilvægt að ríki horfi ekki eingöngu til meðaltala við mælingar á árangri sínum heldur nálgist innleiðingu markmiðanna á heildstæðan hátt. Heimsmarkmiðin eru margþætt og metnaðarfull og krefjast skipulagðrar vinnu af hálfu stjórnvalda en einnig þátttöku og samstarfs ólíkra hagsmunaaðila. Þá eru innri tengsl og samþætt eðli markmiðanna afar þýðingarmikil fyrir framkvæmd þeirra. Óhætt er að fullyrða að ef þjóðum heims tekst að ná markmiðunum innan gildistíma áætlunarinnar þá mun líf allra og umhverfi hafa batnað til mikilla muna árið 2030.

https://www.heimsmarkmidin.is