Sveitarfélagið Flóahreppur varð til við sameiningarkosningar 11.febrúar 2006 þegar íbúar þriggja hreppa, Hraungerðishrepps, Gaulverjabæjarhrepps og Villingaholtshrepps samþykktu sameiningu. Áður höfðu grunnskólar og leikskólar hreppanna þriggja sameinast í einn grunnskóla, Flóaskóla sem staðsettur er í Villingaholti og einn leikskóla, Krakkaborg sem staðsettur er í Þingborg.
Vel var unnið að undirbúningi sameiningu skólanna og leikskólanna sem tókst með ágætum og þannig komið í veg fyrir ýmsar hindranir sem gjarna verða við sameiningu sveitarfélaga þegar kemur að einum viðkvæmasta þætti í rekstri sveitarfélaga.

Ákveðið var að aðsetur stjórnsýslunnar yrði í Þingborg og þar var opnuð skrifstofa í júlí 2006 þegar sveitarstjóri var ráðinn. Á skrifstofu starfa ásamt sveitarstjóra Eydísi Þ. Indriðadóttur, tveir skrifstofumenn, Hafdís Júlía Hannesdóttir í 80% starfi sem annast bókhald og launavinnslu og Guðrún Elísa Gunnarsdóttir í 75% starfi sem annast öll almenn ritara/gjaldkera störf.

Á skrifstofu er umsjónarmaður fasteigna Brynjar Jón Stefánsson í 70 % starfshlutfalli einnig með aðstöðu sem og Ingibjörg Einarsdóttir húsvörður í Þingborg félagsheimili og íþróttahúsi Flóaskóla og Krakkaborgar í 100 % starfi.