Viðburðir

Janúar

 

Þrettándagleði umf. Baldurs og umf. Vöku er haldin ár hvert í Þingborg og í Þjórsárveri. Kveikt er í brennu, flugeldum er skotið á loft, spilað er bingó, farið í leiki, borðaðar smákökur og kaffi drukkið. 

IMG_0866Þrettándagleði - Bingó

 

 

 

 

Við í Flóahreppi höldum þorrann að sjálfsögðu hátíðlegan, með mat, drykk og skemmtun. Haldin eru þrjú þorrablót í hreppnum, í Félagslundi, Þingborg og Þjórsárveri. Það ættu því allir að getað blótað þorrann.

Þorrablót í Þjórsárveri 2014 - Ólafur Sigurjónsson

Þorrablót  - Ólafur Sigurjónsson

Þorrablót 2014 - Ólafur Sigurjónsson Þorrablót-Ólafur Sigurjónsson

 

 

 

Febrúar/Mars

Folaldasýning. Hrossaræktarfélög hraungerðis- og Villingaholtshrepps halda á hverju ári folaldasýningar þar sem félagsmönnum gefst tækifæri á að sýna folöldin sín. Veitt eru verðlaun fyrir þrjú efstu sætin. 

 

 

Apríl

Í kringum páska er margt um að vera í sveitafélaginu, páskamessur, bingó og skákmót. 

Messur eru í Gaulverjabæjarkirkju, Hraungerðiskirkju, Laugardælakirkju og Villingaholtskirkju. 

Ungmennafélögin þrjú, Umf. Baldur, Umf. Samhygð og Umf. Vaka standa fyrir páskabingói í félagsheimilunum þremur ásamt því að vera með páskaeggjaskákmót. 

Páskaeggjaskákmót - Ágúst Valgarð ÓlafssonPáskaeggjaskákmót 2014- Ágúst Valgarð Ólafsson

 

 

 

 

Flóahlaup Samhygðar, er hluti af götu og víðavangshlaupi Íslands og fer fram í apríl ár hvert. Vegalengdirnar eru 3 km, 5 km og 10 km með tímatöku og veitt eru verðlaun fyrir þrjá fyrstu í hverjum flokki. Hlaupin er svokallaður Vorsæbæjarhringur frá Félagslundi. Hlaupið hefur verið haldið síðan 1979 en fyrstu árin var hlaupið í bæjarhlaðinnu í Vorsabæ og á Vorsabæjarhóli. Það var svo upp úr 1992 sem þátttakendum fjölgaði og hlaupið þá flutt að Félagslundi. Markhús Ívarsson frá Vorsabæjarhóli er upphafsmaður hlaupsins og er það oft kallað Kökuhlaup Markúsar“ því boðið er upp á glæsilegt kökuhlaðborð að loknu hlaupi í Félagslundi.

Flóahlaup_1Flóahlaup_Kári_Markús

 

 

 

Víðavangshlaup Umf. Vöku, er haldið á bökkum Þjórsár á fyrsta degi sumars. Skráning fer fram á staðnum og er fólk beðið að athuga að fara ekki af stað í hlaupið fyrr en það hefur skráð sig. Að hlaupi loknu er öllum viðstöddum boðið í Þjórsárver í stutta skemmtidagskrá. Þar eru veitt viðurkenningaskjöl fyrir hlaupið og ungmennafélagið býður í kaffi og meðlæti. Allir eru velkomnir að koma, taka þátt í hressandi hlaupi og fagna fyrsta degi sumars.

Víðavangshlaup umf. Vöku Víðavangshlaup Vöku

 

 

 

Maí

Fjör í Flóa, fjölskyldu- og menningarhátíðin Fjör í Flóa í Flóahreppi er haldin ár hvert um mánaðarmótin maí/júní. Dagkráin hefst á föstudegi og stendur til sunnudags. Alla dagana er boðið upp á fjölbreytta og skemmtilega dagskrá fyrir alla fjölskylduna, má þar nefna ýmsar uppákomur eins leiksýningar, barnamessa, barnaskemmtun, gönguferð undir leiðsögn, sýningar auk markaða og fjölmargt fleira. Auk þess er sameiginlegur morgunmatur haldin ýmist í Þingborg eða Félagslundi á laugardagsmorgni og eru allir velkomnir. Þar er tilvalið að hittast og eiga notalega stund saman.

Fjör í Flóa

kaffibrúsakarlarnir 

 KrakkafjörSumar og sól

 

 

 

 Júní

Þjóðhátíðadagur Íslendinga, 17. júní er haldin hátíðlegur í sveitafélaginu, keppt er í allskyns íþróttum, farið í leiki og fjallkona stígur á stokk. Að lokinni dagskrá er kaffisamsæti í félagsheimilunum.

Kvenfélögin og ungmennafélögin standa fyrir dagskrá ýmist í Einbúa, Félagslundi eða í Þjórsárveri.


Fjallkona

17. júní 2014

 

 

 

Íþróttamót051

 

 

 

 

 

Júlí/Ágúst

Hjólarallý Umf. Vöku. Hið geisivinsæla hjólarallý Umf. Vöku er haldið í Breiðholtsgryfjunum við Hurðarbaksveg. Keppnin er opin öllum krökkum en í fyrra var einnig boðið upp á keppni í fullorðinsflokki. Keppendur þurfa að fara í gegnum þrjár brautir sem allar reyna á hraða, leikni og þor. Að sjálfsögðu er hjálmaskylda í keppninni til þess að stuðla að öryggi keppenda. Allir þátttakendur fá viðurkenningu fyrir þátttökuna. 

 

Hjólarallý

Hjólarallý 1

Hjólarallý 2

Hjólarallý 3

 

 

 

September

Ungmennafélagsreiðtúr Vöku. Á ári hverju stendur Ungmennafélagið Vaka fyrir útreiðatúr hér í Flóahreppi. Í um 40 ár hefur þetta verið liður í starfi félagsins í að efla félagsandann í hreppnum. Reiðtúrin miðast við að sem flestir geti tekið þátt, ungir sem aldnir.

Reiðtúr umf. Vöku Reiðtúr 

 

 

 

Réttir, eru ein elsta menningarhefð okkar Íslendinga en sú hefð að reka fé upp á fjöll yfir sumartímann kom til vegna þess að bændur þurftu að framleiða hey fyrir vetramánuðina og nota túnin sín til þess. Á fjöllum fær féið tækifæri til að borða allskyns fjallagrös og ganga frjálst ferða sinna. Um miðjan september fara bændur upp á fjall og smala fénu niður í réttirnar. Flóa- og Skeiðamenn draga fé sitt í Reykjaréttum. 

Reykjaréttir (eða Skeiðaréttir) eru fjárréttir Flóa- og Skeiðamanna í Skeiða- og Gnúpverjahreppi. Reykjaréttir eru skammt fyrir sunnan bæinn Reyki á Skeiðum. Reykjaréttir voru byggðar úr hraungrjóti úr Þjórsárhrauni árið 1881. Þær voru lengi vel fjárflestu réttirnar á Suðurlandi ásamt því að vera mannflesti samkomustaður á Suðurlandsundirlendinu.  Á aldarafmæli Reykjarétta eða árið 1981 voru réttirnar hlaðnar upp að nýju og færðar til upprunalegs útlits. Veggirnir eru u.þ.b. 1,5 m háir, hlaðnir úr hraungrýti og tyrfðir ofan. Við hliðina á réttunum er gríðarstór nátthagi, girtur hringlaga hraungrýtisgarði. Það er frábær skemmtun og mikil upplifun að taka þátt í réttum. Auk þess er Reykjarétt virkilega fallegt mannvirki og þess virði að skoða.

RéttirRéttir 2013

 

Reykjaréttir

Réttir 3

 

 

 

 

 

Hið árlega Haustball samhygðar í Félagslundi hefur fest sig í sessi. Ballgestum gefst tækifæri á að upplifa ekta sveitaballa stemningu og dansa meðal annars polka, ræl og vals. Þetta eru oft skemmtilegir endurfundir þar sem gamlir sveitungar mæta eftir áralöng hlé og rifja upp gamla tíma. 

 

 

Október/Nóvember 

Hin árlega Tónahátíð félagsheimilanna er haldin á haustin og fara þar fram tónlistarviðburðir sem haldnir eru í félagsheimilunum þremur, Félagslundi, Þingborg og Þjórsárveri.

Tónahátíð 2013 - KK & Maggi KjartansTónahátíð - Ólafur Sigurjónsson

 

 Valdimar í þingborg

 

 

 

 

 

 

 

 

 

 

Dagur íslenskrar tungu, er haldin hátíðlegur um allt land á fæðingardegi Jónasar Hallgrímssonar, 16. nóvember. Á þeim degi er þjóðin hvött til að leggja sérstaka rækt við íslenskt mál og beina athygli sinni að stöðu tungunnar og gildi hennar fyrir þjóðarvitund og alla menningu. Í tilefni af degi íslenskrar tungu þá bjóða leikskólabörn í Krakkaborg, starfsfólk leikskólans og Flóahrepps öllum eldri borgurum ásamt mökum í Flóahreppi til samsætis. Brottfluttum eldri borgurum er einnig boðið velkomið. Þessi viðburður er orðin árlegur þar sem ólíkar kynslóðir koma saman og njóta samvista.

042049

054 057

 

 

 

 

Desember

Í Desember  er margt manninn í sveitarfélaginu, það eru meðal annars haldin aðventukvöld, jólaföndur,  skötuveisla, hátíðarmessur, jólaböll og einnig má sjá jólasveina á vappi.

Skötuveisla í Þjórsárveri. Ungmennafélagið Vaka stendur fyrir hinni geysivinsælu skötuveislu í Þjórsárveri á Þorláksmessu. Boðið er upp á gæða skötu ásamt meðlæti, einnig er boðið upp á saltfisk fyrir þá sem kjósa og kaffi og konfekt eftir matinn. Það jafnast ekkert á við það að taka sér hvíld frá jólaösinni gæða sér á skötu.

Skötuveisla ÞjórsárveriSkötuveisla

 

 

 

Jólaball. Kvenfélögin í hreppnum halda árlega jólaball með tilheyrandi gleði. Kvennfélög Gaulverjabæjar- og Villingaholtshrepps halda sameiginlegt jólaball ýmist í Þingborg eða Félagslundi. Kvennfélag Hraungerðishrepps heldur jólatrésskemmtun í Þingborg.

017IMG_6944

IMG_6963

IMG_6959