Birgir Örn Arnarson, grenjavinnslumaður, óskar eftir upplýsingum hjá þeim sem verða varir við refi í sveitarfélaginu.
Það sem af er veiðitímabili hafa veiðst 16 dýr úr þremur grenjum.
Símanúmer hjá Birgi er 891-8898

Áveita júlímánaðar er komin á netið. Hana má nálgast hér.

Oddviti og varaoddviti er kosinn á hverju ári í júnímánuði samkvæmt samþykktum Flóahrepps um stjórn og fundarsköp.

Samið hefur verið við nánast alla skólabílstjóra sveitarfélagsins um áframhaldandi akstur næsta skólaár en vegna breytinga í skólaakstri var samningum við þá sagt upp eftir síðustu áramót.

Frumdrög að aðaluppdráttum fyrir viðbyggingu Flóaskóla liggja fyrir en M2 teiknistofa ehf var fengin til verksins eftir auglýsingu um verðhugmyndir.

Á síðasta fundi sveitarstjórnar Flóahrepps sem haldinn var 1. júlí s.l. var lagt fram erindi frá Skipulagsstofnun dags. 19. júní 2009 vegna deiliskipulags í Hróarsholti. Í erindi kemur fram að ekki verði veitt meðmæli samkvæmt 3. tl. ákvæðis til bráðabirgða í lögum nr. 73/1997 um stakar framkvæmdir eða auglýsingar á deiliskipulagstillögum á svæðum þar sem ekki liggur fyrir staðfest aðalskipulag og að það ákvæði hafi fallið úr gildi 1. nóvember 2008.

Flóahreppur auglýsir eftir aðila til skólaaksturs í Vallaskóla á Selfossi næsta skólaár, ca. 40 km. á dag.
Um er að ræða morgunferð og áætlaður fjöldi farþega er sex.
Tilskilin leyfi til aksturs farþega eru skilyrði fyrir samningi og bifreið sem notuð verður skal vera í fullkomnu ástandi og í samræmi við kröfur sveitarstjórnar um skólabíla.
Frekari upplýsingar veitir sveitarstjóri í síma 480-4370.

Rit Sögufélags Árnesinga, Árnesingur, er til sölu á skrifstofu Flóahrepps.

Íbúafundur um lausagöngu búfjár, veggirðingarmál ofl var haldinn í Þingborg fimmtudaginn 11. júní s.l.