Flóahreppur og Skeiða- og Gnúpverjahreppur auglýsa eftir sameiginlegum hundafangara og samstarfsaðila til að annast geymslu handsamaðra hunda sbr. samþykktir sveitarfélaganna um hundahald.
Umsóknir sendist á netföngin floahreppur@floahreppur.is og oddviti@skeidgnup.is.
Umsóknarfrestur er til föstudagsins 8. október 2010
Verið að leggja lokahönd á vinnu við endurbætur á Gaulverjabæjarkirkju og hefur verið horft til upprunalegs útlits hennar við þá vinnu. Á myndinni má sjá málara við vinnu sína.
Röð tónleika er fyrirhuguð í félagsheimilum Flóahrepps í október.
Byrjað verður á Ómari Ragnarssyni, Ragga Bjarna og félögum sem skemmta með söng og gríni í Þingborg 2. október. Skemmtunin byrjar kl. 21:00 og aðgangseyrir er 2.000 kr. Þeir sem vilja tryggja sér miða í tíma hafi samband við Ingibjörgu í síma 691-7082. Ómar og Raggi árita geisladiska á staðnum.
Matvælastofnun hefur sett reglur um tilhögun og samræmingu á smalamennsku og slátrun fjár sem smithætta kann að stafa af.
Fyrsti fundur atvinnu- og umhverfisnefndar Flóahrepps var haldinn fimmtudaginn 26. ágúst s.l. í Þingborg. 
Það var vaskur flokkur íbúa Flóahrepps og foreldra nemenda í Flóaskóla sem mætti í sjálfboðavinnu í skólann þriðjudagskvöldið 24. ágúst. Hópurinn kom saman til að þrífa kennslustofur í nýbyggingunni og flytja húsgögn og lögðu þar með sitt af mörkum til að skólahald hefjist á réttum tíma. Meðfylgjandi er mynd af hópnum í kaffipásu. Skólasetning verður fimmtudaginn 26. ágúst kl. 14 í Þjórsárveri.