Föstudaginn 22. júní s.l. var skrifað undir samkomulag milli Árborgar og Flóahrepps um dagdvöl aldraðra í Flóahreppi.
Íbúafundur verður haldinn í Þjórsárveri 25. júní 2007 kl. 20.30 þar sem lögð verða fram drög að aðalskipulagi fyrrum Villingaholtshrepps til kynningar ásamt breytingum á aðalskipulagi Hraungerðishrepps og Gaulverjabæjarhrepps.
Nýr starfsmaður hóf störf hjá sveitarfélaginu í byrjun maí. Guðmundur Jón Sigurðsson var ráðinn sem umsjónarmaður fasteigna. Hann sinnir hinum ýmsu verkefnum, s.s. húsvörslu í Flóaskóla og Krakkaborg, hefur umsjón með viðhaldi mannvirkja og eigna sveitarfélagsins og sér um unglingavinnuna.
Guðmundur er lærður rafvirki og er búsettur á Selfossi.
Krakkarnir í unglingavinnunni hafa undanfarna viku verið að slá og snyrta til við Félagslund og Gaulverjaskóla.Vikuna 18.-21 júní verða þau í Þjórsárveri og Flóaskóla, vikuna 25.-28. júní í Þingborg. Þau munu verða við leikskólann eftir mánaðarmótin júní - júlí þegar sumarfrí hefjast þar.
Hér má sjá mynd af hluta hópsins. Þetta eru hressir krakkar og munu fleiri myndir birtast af þeim síðar.
Fulltrúar sveitarstjórnar Flóahrepps og Landsvirkjunar hittust á fundi í morgun og ræddu skipulagsmál með tilliti til væntanlegrar kynningar á drögum að aðalskipulagi sveitarfélagsins fyrir íbúum þess.
Viðræðum milli aðila, sem í gangi hafa verið, verður haldið áfram á næstunni um áhrif Urriðafossvirkjunar í Flóahreppi og hvernig við þeim verður brugðist. Í því sambandi er m.a. rætt um samgöngur og ferðaþjónustu á svæðinu, vatnsvernd, lífríki Þjórsár, landnotkun í nágrenni virkjunarinnar og mögulegar mótvægisaðgerðir.
Ársreikningur A og B-hluta Flóahrepps fyrir árið 2006 var lagður fram til seinni umræðu á fundi sveitarstjórnar 13. júní.
Ársreikningurinn samanstendur af rekstri sveitarfélaganna þriggja fyrri hluta ársins og rekstri sameinaðs sveitarfélags seinni hluta ársins. Samanburðarfjárhæðir við árið 2005 í efnahagsreikningi eru samanlagðar fjárhæðir allra sveitarfélaganna.
Úr Áveitunni og Munanum
Dagskrá þjóðhátíðardags hefst kl. 13.30 í Félagslundi og í Þjórsárveri.
Í Einbúa hefst hátíðardagskrá kl. 14.00
Úr Áveitunni.Laugardaginn 16. júní mun kvenfélag Villingaholtshrepps standa fyrir kvennahlaupi eins og undanfarin ár.
Hlaupið verður frá Gaflsvegamótum og í átt að Grund.
Íslenska Gámafélagið mun koma gámunum á áfangastaði á næstunni. Þeir áætla að hafa samband í gsm síma þeirra aðila sem pöntuðu gáma.
Bestu þakkir fyrir góð viðbrögð.
Sveitarstjóri