Sveitarstjórn Flóahrepps hefur óskað formlega eftir því við Vatnsveitu Rangárþings ytra og Ásahrepps að farið verði í samningaviðræður um samstarf í kaldavatnsmálum.
Nú hefur þorrablótinu verið fundinn annar tími og verður það haldið þriðjudaginn 29. janúar í Þjórsárveri kl. 11:30-12:30.
Að öðru leyti verður kennsla samkvæmt stundaskrá þann dag og 3.-4. bekkur fer í skólasund samkvæmt stundaskrá.
Nú er hafið samstarfsverkefni við brunavarnir Árnessýslu og leikskólans Krakkaborgar. Einu sinni í mánuði fara tvö börn úr elsta árgangi og yfirfara stöðu brunavarna í húsinu með sínum kennara. 
Það hefur verið nóg að gera hjá snjómokstursmönnum Flóahrepps undanfarna daga. Þessa mynd tók Ólafur Sigurjónsson af einum þeirra við hreinsun. Útför Fischers í kyrrþey
Skákmeistarinn Robert James Fischer var jarðsunginn í Laugardælakirkjugarði í morgun, rétt fyrir utan Selfoss. Séra Jakob Roland, prestur kaþólskra í Reykjavík, jarðsöng. Útförin fór fram í kyrrþey að ósk hins látna og var mjög fámenn. Útförin var gerð utan Reykjavík að ósk Fischers sjálfs, einungis ekkja hans og allra nánustu vinir voru viðstaddir.
Samræmd próf haustið 2007 - meðaltalseinkunnir
4. b. Ísl Landið allt 6,2 S.kjördæmi 6,0 Flóaskóli 6,3
4. b. Stæ Landið allt 6,8 S. kjördæmi 6,5 Flóaskóli 8,3
7. b. Ísl Landið allt 7,0 S. kjördæmi 6,7 Flóaskóli 8,7
7. b. Stæ Landið allt 7,0 S. kjördæmi 6,6 Flóaskóli 9,2
Þriðjudaginn 8.janúar koma tveir nemar frá Háskólanum á Akureyri til okkar í verknám og verða í janúar. Þær heita Eva Hrönn Jónsdóttir og Edda Lydia Þorsteinsdóttir. Þórdís Guðrún starfsmaður á Bangsadeild fer í verknám á Selfossi, leikskólann Ásheima. Að lokum viljum við óska öllum gæfu og gengis á nýju ári.
Leikskólastjóri.
Sveitarstjórn Flóahrepps samþykkti samhljóða fjárhagsáætlun sveitarfélagsins fyrir árið 2008 eftir tvær umræður.
Óskað var eftir tillögum frá stjórnendum stofnana og kjörnum nefndum sveitarfélasins.
Áætlun gerir ráð fyrir eftirfarandi:
Heildartekjur kr. 320.862.000
Rekstrargjöld kr. 299.840.000
Rekstrarniðurstaða fyrir A og B hluta er kr. 18.041.000
Heildarfjárfesting er áætluð kr. 56.500.000