Á fundi sveitarstjórnar þann 10. janúar samþykkti sveitarstjórn að greiðslur fasteignaskatts sem eru 20.000 kr eða lægri greiðist á einum gjalddaga, 1. mars. Greiðslur sem eru 20.001 kr til 60.000 kr greiðast á þremur gjalddögum, 1. mars, 1. maí og 1. júlí. Greiðslur 60.001 kr. og hærri greiðast á fimm gjalddögum, 1. mars, 1. maí, 1.júlí, 1. september og 1. nóvember.
Eindagi var ákveðinn 30 dögum eftir gjalddaga.

Sveitarstjórn hefur samþykkt að lækka fæðiskostnað um leik- og grunnskóla vegna lækkunar á virðisaukaskatti matvælum úr 14% í 7%.

Fyrri umræða um 3. ára fjárhagsáætlun Flóahrepps fór fram á fundi sveitarstjórnar 7. mars s.l.. Rætt var um áherslur í framkvæmdum næstu árin. Sveitarstjórn samþykkir að leggja áherslur á veitur og viðhald mannvirkja sveitarfélagsins og skoða hugsanlega uppbyggingu leikskóla og skóla með tilliti til væntanlegrar íbúarþróunar.

Á fundi sveitarstjórnar Flóahrepps þann 7. mars s.l. var lagður fram undirskriftalisti dags. 28. febrúar 2007 þar sem fyrirhuguðum breytingum á skipulags-og byggingareftirliti í Flóahreppi er mótmælt.

Á fundi sveitarstjórnar 7. febrúar var samþykkt að hækka gjaldskrá og fæðiskostnað í leikskólanum Krakkaborg.

Hækkun á gjaldi fyrir börn 9 mánaða til 2 ára verður í þremur áföngum, 20% hækkun 1. apríl 2007, 20% hækkun 1. september 2007 og 10% hækkun 1. febrúar 2008 eða alls 50% hækkun. Þetta er þjónusta sem er yfirleitt ekki í boði á leikskólum og er kostnaðarsöm þar sem hver starfsmaður má einungis annast 4 börn en til samanburðar má hver starfsmaður annast um 8 börn á eldri deildum. Þar sem þjónusta á borð við þessa er veitt, er verð 50% hærra fyrir þennan aldurshóp.

Úrvinnslusjóður hrindir í dag af stað kynningarátaki vegna söfnunar á ónýtum rafhlöðum til úrvinnslu. Markmið átaksins er að fá fleiri til að safna og skila notuðum rafhlöðum, auka vitund almennings um mikilvægi þess að rafhlöðum sé skilað og vekja athygli á að einfalt sé að losna við þær. Þátttakendur í kynningarátakinu ásamt Úrvinnslusjóði eru Olís, Efnamóttakan, Gámaþjónustan og Hringrás.