15. júní 2007

Fréttatilkynning

Fulltrúar sveitarstjórnar Flóahrepps og Landsvirkjunar hittust á fundi í morgun og ræddu skipulagsmál með tilliti til væntanlegrar kynningar á drögum að aðalskipulagi sveitarfélagsins fyrir íbúum þess.

Viðræðum milli aðila, sem í gangi hafa verið, verður haldið áfram á næstunni um áhrif Urriðafossvirkjunar í Flóahreppi og hvernig við þeim verður brugðist. Í því sambandi er m.a. rætt um samgöngur og ferðaþjónustu á svæðinu, vatnsvernd, lífríki Þjórsár, landnotkun í nágrenni virkjunarinnar og mögulegar mótvægisaðgerðir.

14. júní 2007

Ársreikningur Flóahrepps

Ársreikningur A og B-hluta Flóahrepps fyrir árið 2006 var lagður fram til seinni umræðu á fundi sveitarstjórnar 13. júní.

Ársreikningurinn samanstendur af rekstri sveitarfélaganna þriggja fyrri hluta ársins og rekstri sameinaðs sveitarfélags seinni hluta ársins. Samanburðarfjárhæðir við árið 2005 í efnahagsreikningi eru samanlagðar fjárhæðir allra sveitarfélaganna.

13. júní 2007

Dagskrá 17. júní í Flóahreppi

Úr Áveitunni og Munanum

Dagskrá þjóðhátíðardags hefst kl. 13.30 í Félagslundi og í Þjórsárveri. 
Í Einbúa hefst hátíðardagskrá kl. 14.00

13. júní 2007

Kvennahlaup

Úr Áveitunni.

Laugardaginn 16. júní mun kvenfélag Villingaholtshrepps standa fyrir kvennahlaupi eins og undanfarin ár.
Hlaupið verður frá Gaflsvegamótum og í átt að Grund.
8. júní 2007

Hreinsunarátak

Margir íbúar hafa nýtt sér tilboð Flóahrepps um ókeypis gáma fyrir járn og/eða timbur í tengslum við hreinsunarátak í sveitarfélaginu.

Íslenska Gámafélagið mun koma gámunum á áfangastaði á næstunni. Þeir áætla að hafa samband í gsm síma þeirra aðila sem pöntuðu gáma.

Bestu þakkir fyrir góð viðbrögð.

Sveitarstjóri
5. júní 2007

Samningar um skólaakstur

Mánudaginn 4. júní var skrifað undir samning við skólabílstjóra Flóahrepps til næstu fjögurra ára.

Mikil sátt hefur verið um störf bílstjóranna og ánægjulegt að nú skuli hafa verið skrifað undir samning um áframhaldandi akstur af þeirra hálfu í ákveðinn tíma.

Það eru Guðmundur Sigurðsson, Kristján Einarsson, Sigurður Ólafsson, Guðrún Jónsdóttir og Guðmundur Tyrfingsson ehf sem munu annast skólaaksturinn en flest þeirra hafa séð um skólaakstur í sveitarfélaginu í mörg ár.

5. júní 2007

Samkomulag um rekstur félagsheimilis

Mánudaginn 4. júní var skrifað undir undir samkomulag um rekstur félagsheimilisins Þingborgar milli sveitarfélagsins og húsnefndar félagsheimilisins.

Með samkomulaginu ber húsnefnd meiri ábyrgð á rekstri hússins en verið hefur. Sveitarfélagið greiðir mánaðarlegt framlag vegna aðstöðu fyrir skrifstofu og leikskóla, æskulýðsmál og menningarmál. Húsnefnd sér um að reka félagsheimilið, s.s. afla tekna í formi útleigu og styrkja, gera fjárhagsáætlanir og annast daglegan rekstur.

3. júní 2007

Byggðamerki Flóahrepps

Hér má sjá nýtt byggðamerki fyrir Flóahrepp sem valið var í hugamyndasamkeppni fyrir skömmu.

Í lýsingu með merkinu segir:

2. júní 2007

Samningur um skólaakstur

Gerður hefur verið samningur við skólabílstjóra Flóahrepps um skólaakstur til næstu fjögurra ára.

Það eru Guðmundur Sigurðsson, Kristján Einarsson, Sigurður Ólafsson, Guðrún Jónsdóttir og Guðmundur Tyrfingsson ehf sem munu annast skólaaksturinn en flest þeirra hafa séð um skólaakstur í sveitarfélaginu í mörg ár.