Sveitarstjórn Flóahrepps skorar á samgönguyfirvöld að setja aðreinar við helstu gatnamót á þjóðvegi 1 í sveitarfélaginu.

Gífurlegur umferðarþungi er um veginn og mjög alvarleg slys hafa orðið á þessari leið. Ekki er síður mikilvægt að vinna að þessum samgöngubótum í Flóahreppi með líkum hætti gert er á leiðinni milli Hveragerðis og Selfoss.

Sveitarstjórn Flóahrepps hefur samþykkt að kennsla verði fyrir 8. bekk í Flóaskóla frá haustinu 2009 en í dag er unglingum sveitarfélagsins í 8. - 10. bekk kennt í Vallaskóla, Árborg samkvæmt samningi milli Flóahrepps og Árborgar.
Reiknað er með að kennsla 8. bekkjar fari að mestu leyti fram í félagsheimilinu Þjórsárveri næsta skólaár.

Íbúar Flóahrepps eru 594 samkvæmt áætlun Hagstofunnar 1. október 2008, 313 karlar og 281 konur.

Þjórsársveitir kynntu í dag markmið mitt sitt um nýtingu orku Þjórsár til atvinnuuppbyggingar í orkufrekum iðnaði við uppsprettu orkunnar. Þjórsársveitir eru verkefni sem Framkvæmdanefnd Þjórsársveita stendur fyrir en nefndin er skipuð af sveitarstjórnum sveitarfélaga sem eiga lönd að bökkum Þjórsár. Sveitarfélögin eru: Ásahreppur, Flóahreppur, Rangárþing ytra og Skeiða- og Gnúpverjahreppur.

Síðastliðin tvö ár hefur Flóahreppur leitað tilboða í bólusetningar á sauðfé og ormahreinsun hunda og katta með því móti að sveitarfélagið hefur samið við verktaka um framkvæmd verksins en eigendur búfjár hafa greitt kostnað sem til fellur.
Ekki fundust áhugasamir um verkið nú í haust þannig að sveitarstjórn vill hvetja fjáreigendur til að leita til síns dýralæknis um þessa þjónustu.