16. nóvember 2007

Álagning gjalda 2008

Sveitarstjórn Flóahrepps hefur samþykkt að álagning fasteignagjalda fyrir árið 2008 verði óbreytt frá fyrra ári.
15. nóvember 2007

Aðalskipulag fyrrum Villingaholtshrepps

Á fundi sveitarstjórnar Flóahrepps þann 14. nóvember s.l. voru lagðar fram tvær tillögur að aðalskipulagi fyrrum Villingaholtshrepps, tillaga A og tillaga B sem kynntar voru á opnum fundi í Þjórsárveri 25. júní s.l.

Tillaga A gerir ráð fyrir hugsanlegri Urriðafossvirkjun en tillaga B gerir ekki ráð fyrir virkjun.

Á undanförnum mánuðum hefur sveitarstjórn Flóahrepps aflað sér upplýsinga og gagna um fyrirhugaða Urriðafossvirkjunar í Flóahreppi og hugsanlegar afleiðingar slíkra framkvæmda.

Á fundi sveitarstjórnar þann 2. júlí 2007 samþykkti sveitarstjórn að fresta ákvörðun um tillögu til auglýsingar að aðalskipulagi fyrrum Villingaholtshrepps þar til fyrir lægju nánari upplýsingar um áhættu af hugsanlegri Urriðafossvirkjun.

4. nóvember 2007

Ársþing SASS

Sveitarstjórnarmenn á Suðurlandi eru uppteknir þessa dagana vegna ýmissa þinga og ráðstefna.
Ársþing Samtaka sunnlenskra sveitarfélaga var haldið 1. - 2. nóvember á Kirkjubæjarklaustri
þar sem fram fóru aðalfundir SASS, Atvinnuþróunarfélags Suðurlands, Heilbrigðiseftirlits Suðurlands, Skólaskrifstofu Suðurlands og Sorpstöðvar Suðurlands.
Fjármálaráðstefna sveitarfélaga verður haldin í Reykjavík 5. - 6. nóvember.

28. október 2007

Þingmannafundur

Fulltrúar sveitarstjórnar Flóahrepps áttu fund með þingmönnum Suðurkjördæmis í Vík í Mýrdal föstudaginn 26. október.
Samkvæmt áætlun átti sveitarstjórn að hitta þingmenn í Þorlákshöfn fimmtudaginn 25. október en sökum áður skipulagðrar ferðar sveitarstjórnar um Flóahrepp var ákveðið að fara til Víkur og funda ásamt sveitarstjórnarmönnum Mýrdalshrepps með þingmönnum.

28. október 2007

Vettvangsferð sveitarstjórnar

Sveitarstjórn Flóahrepps, sveitarstjóri, starfsmaður á skrifstofu og umsjónarmaður fasteigna fóru í vettvangsferð um Flóahrepp fimmtudaginn 25. október.
Fyrirhugað var að skoða borholur hitaveitna í sveitarfélaginu og kaldavatnslindir en þar sem mjög illa viðraði var ákveðið að breyta ferðatilhögun og halda sig meira innandyra.
19. október 2007

Endurskoðun fjárhagsáætlunar

Á fundi sveitarstjórnar 17. október s.l. var endurskoðuð fjárhagsáætlun samþykkt.
Breytingar eru helst fólgnar í því að tekjujöfnunarframlag Jöfnunarsjóðs er mun hærra en gert var ráð fyrir eða um 35 milljónir alls.
19. október 2007

Áhættumat

Íbúafundur var haldinn í Félagslundi í gær, fimmtudaginn 18. október, til kynningar á hættumati vegna virkjana í neðri hluta Þjórsár.
Milli 50 og 60 manns voru samankomnir til að hlýða á framsögu Dóru Hjálmarsdóttur, verkfræðings hjá VST sem kynnti áhættumatið.
18. október 2007

Fundargerð

Hér má sjá fundargerð sveitarstjórnar frá fundi 17. október.
http://floahreppur.is//vefsidan/data/
MediaArchive/files/34._fundur_sveitarstjornar.doc
17. október 2007

Bólusetningar og ormahreinsun

Sveitarstjórn Flóahrepps samþykkti á fundi 3. október s.l. að óska eftir samstarfi við Brigitte Brugger, dýralækni, um bólusetningar ásetningslamba gegn garnaveiki og ormahreinsun hunda og katta.

Fyrirkomulag verður með sama móti á síðasta ári, þ.e. sveitarstjórn semur um verkið en eigendur búfjár greiða þann kostnað sem til fellur á bú þeirra.

Brigitte mun síðan við verklok afhenda sveitarstjóra yfirlit yfir unnið verk.