Sveitarstjórn og starfsfólk skrifstofu fór í heimsókn föstudaginn 13. nóvember til félagsmálafulltrúa og skipulags-og byggingarfulltrúa og skoðaði aðstöðu embættanna.
Vel var tekið á móti gestunum á báðum stöðum, farið yfir helstu störf og það sem ber hæst þessa dagana.
http://www.sveitir.is/felagsmalastjori/

Á myndinni eru 8. bekkingar í Flóaskóla í heimsókn hjá þeim Hildu og Höskuldi á Stóra-Ármóti.  Þar fengu þau að fræðast um starfsemi tilraunabúsins að Stóra-Ármóti, en heimsóknin er hluti af námi unglinganna í umhverfis- og starfsfræðslu og samfélagsvitund.

Álagning fasteignagjalda fyrir árið 2010 verður óbreytt frá fyrra ári að undanskildum sorpgjöldum sem munu hækka. Ástæða þess er fyrst og fremst sú að 1. desember verður urðunarstaðnum í Kirkjuferjuhjáleigu lokað og allt sorp sem fer til urðunar flutt í Álfsnes á Kjalarnesi.

Í tilefni þess að félagsheimilin Þjósárver og Félagslundur eiga 50 og 60 ára afmæli á árinu verður haldin afmælishátið í báðum félagsheimilum þann 7. nóvember nk.

Sveitarstjórn og umhverfisnefnd Flóahrepps funduðu með Íslenska Gámafélaginu miðvikudaginn 21. október s.l. um sorpmál.

23. október n.k. kl. 20:30 mun Gunnar Þórðarson flytja eigin lög í Félagslundi. Um er að ræða órafmagnaða sögustund þar sem einn ástsælasti lagahöfundur landsins stígur á stokk og flytur öll sín þekktustu lög. Eftir Gunnar liggur 650 laga safn og eru mörg þeirra fyrir löngu orðin hluti af þjóðarsálinni.
Þetta er tónlistarviðburður sem enginn má missa af, miðaverð aðeins kr. 2.000.

Síðastliðinn mánudag var bleikt þema í Flóaskóla.