Flóahreppur auglýsir íbúðarlóð lausa til úthlutunar í Brandshúsahverfi, skammt frá Félagslundi.
Í Brandshúsahverfi eru skipulagðar 7 íbúðarlóðir. Fjarlægð frá Selfossi er um 13 km, bundið slitlag alla leið.
Lóðin er 2.116 m2 að stærð samkvæmt lóðablaði og er tilbúin til framkvæmda af lóðarhafa.
Íslenska Gámafélagið mun koma gámunum á áfangastaði á næstunni. Þeir áætla að hafa samband í gsm síma þeirra aðila sem pöntuðu gáma.
Bestu þakkir fyrir góð viðbrögð.
Sveitarstjóri
Auglýst er eftir flokkstjóra unglingavinnu, 17 ára eða eldri, í Flóahreppi frá 11. júní til 19. júlí.
Unnið verður 4 daga vikunnar, mánudaga til fimmtudaga frá kl. 9.00-16.00.
Tekið er á móti skráningum á skrifstofu sveitarfélagins í síma 482-3260 frá kl. 9.00-13.00.
Embætti skipulagsfulltrúa uppsveita Árnessýslu auglýsir eftir aðstoðarmanni skipulagsfulltrúa í 50% stöðu sem gæti síðar aukist í allt að 75-100%.
Auglýst er eftir heimilisaðstoð á tvo staði í sveitarfélaginu, fjóra tíma í viku á hvorum stað. Frekari upplýsingar hjá sveitarstjóra í síma 482-3260 frá kl. 9.00-13.00
Auglýst er eftir unglingum, 13 ára og eldri til vinnu í sumar í vinnuskóla sveitarfélagsins frá 11. júní til 19. júlí.
Kjörfundur í Flóahreppi vegna alþingiskosninga laugardaginn 12. maí 2007 verður haldinn í Félagslundi frá kl. 12.00-22.00.
Kjósendur eru minntir á að taka með sér persónuskilríki.
Kjörstjórn
Sbr. 26. gr. laga um kosningar til Alþings nr. 24/2000 auglýsir sveitarstjórn Flóahrepps að kjörskrá vegna alþingiskosninga þann 12. maí 2007, liggur frammi á skrifstofu sveitarfélagsins í Þingborg, almenningi til sýnis frá 30. apríl 2007 til kjördags á skrifstofutíma, frá kl. 9.00-16.00.
Flóahreppur auglýsir eftir aðila til að taka að sér viðgerð á þaki leikskólans Krakkaborgar.
Verkið þarf helst að framkvæma í júlí þegar sumarfríslokun er í leikskóla.
Áhugasamir eru beðnir um að hafa samband við skrifstofu sveitarfélagsins í síma 482-3260 eða með tölvupósti, floahreppur@floahreppur.is fyrir 10. maí n.k. Þeim verður í kjölfarið send verðkönnunargögn.