Söngleikurinn verður sýndur tvisvar sama daginn, kl. 13:00 og kl. 20:00. Nú gefst ykkur tækifæri til að panta miða því enn eru laus sæti á sýninguna kl. 13:00 en uppselt er á sýninguna kl. 20:00. Miðaverð er kr. 500 og opin sjoppa í hléi (enginn posi). Við hvetjum ykkur til að panta miða og fylgjast með framtíð Flóahrepps á sviði í frábærum söngleik. Miðapantanir hjá kristin@floahreppur.is eða í gsm 663-5720.
Kveðja frá nemendum og starfsfólki Flóaskóla.
Upplýsinigamiðstöð Suðurlands stendur fyrir endurnýjun Suðurstrandakorts, bæklingi ætluðum ferðamönnum. Á síðasta ári voru prentuð 30 þúsund eintök og er það upplag að verða búið. Þeir aðilar í Flóahreppi sem vilja koma þjónustu sinni á framfæri geta haft samband við Upplýsingamiðstöð Suðurlands í síma 483-4601.
Sveitarstjórn Flóahrepps ákvað á fundi sínum þann 18. febrúar 2010 að hefja aðalskipulagsferli fyrir svæði innan fyrrum Villingaholtshrepss að nýju skv. 16.- 19. gr. skipulags- og byggingarlaga.
AtvinnuþróunarfélagSuðurlands í samvinnu við Útflutningsráð Íslands og mbl.is mun bjóða upp á námskeið í markaðssetningu á netinu byggt á samnefndri bók sem var að koma út. Kennarar eru Guðmundur Arnar, markaðsstjóri hjá Icelandair og Kristján Már hjá Nordic eMarketing.