Í framhaldi af blaðamannafundi ríkisstjórnarinnar kom viðbragðsteymi Flóahrepps vegna Covid 19 saman á fundi til þess að fara yfir stöðuna með stjórnendum stofnana.
Eftirfarandi var ákveðið varðandi þjónustu sveitarfélagsins fram til 15. apríl 2021.
Krakkaborg:
Undirbúningstími starfsmanna fer fram heima hjá starfsmönnum eftir því sem kostur er. Leikskólinn verði 2 sóttvarnarhólf og að þær reglur taki gildi sem miða við 10 manna hámarksfjölda í sóttvarnarrýmum. Foreldrum gefinn kostur á niðurfellingu á leikskólagjöldum ef þeir ákveði að hafa börnin heima. Sara sendir póst á nemendur og starfsmenn.
Flóaskóli:
Skólinn er lokaður frá og með miðnætti í kvöld 24. mars 2021. Fimmtudagur 25. og föstudagur 26 mars verða nýttir af kennurum til þess að undirbúa fjarnámskennslu að loknu páskafríi. Stjórnendur taka árgangafjarfundi með þeim til þess að fara yfir mögulegar sviðsmyndir. Gunnlaug sendir póst á nemendur og starfsmenn.
Skrifstofa Flóahrepps:
Skrifstofan verður lokuð fyrir almenningi frá og með fimmtudeginum 25. mars til 15. apríl.
Íbúum er bent á að hafa samband í gengum tölvupóst og síma. Alltaf er möguleiki á að taka fjarfundi með íbúum og örðum sem þurfa á þjónustu að halda. Hægt er að bóka fundi með sveitarstjóra eða starfsmönnum á staðnum ef brýn nauðsyn er á því en þá með fyrirvara. Sími skrifstofunnar er 480 4370 og farsími sveitarstjóra 846 1695.
Netfang: floahreppur@floahreppur.is
Sveitarstjóri: eydis@floahreppur.is
Gjaldkeri/móttökuritari: gudrun@floahreppur.is
Bókari/launafulltrúi: hafdis@floahreppur.is
Almennt:
Lögð er áhersla á mikilvægi þess að starfsmenn sveitarfélagsins sem og íbúar allir standi saman um að að virða sóttvarnarreglur.
Mikilvægt er því að fylgjast með upplýsingarstreymi frá Almannavörnum ríkisins og sóttvarnarlækni.
Sveitarstjóri Flóahrepps