Kári Hraunholti, Stefán Túni, Haffi haff, Brynjar Hófgerði og Árni Már Brandshúsum.
Söngkeppni USSS
Örvar Rafn Hlíðdal íþróttakennari í Flóaskóla hefur umsjón með starfi félagsmiðstöðvarinnar Zone í Þjórsárveri. Starfið er fjölbreytt og koma krakkarnir saman í aðstöðu sem þeim hefur verið úthlutað í risi félagsheimilisins. Í undirbúningi er einnig að bæta við rými í kjallara hússins. Það komi í hlut Flóahrepps að sjá um söngkeppni USSS í ár.
Söngkeppni USSS var haldin í félagsheimilinu Þingborg í Flóahreppi á „bóndadaginn“ 22. janúar. USSS er undankeppni fyrir söngkeppni Samfés sem fram fer í Laugardalshöll í byrjun mars. Ellefu félagsmiðstöðvar tóku þátt í keppninni og um 300 unglingar víðsvegar frá Suðurlandi mættu til að fylgjast með sínum keppendum. Kolbrún Katla Jónsdóttir frá Lyngholti tók þátt fyrir hönd félagsmiðstöðvarinnar Zone. Árni Már Ólafsson Brandshúsum 3 spilaði undir á gítar hjá henni og erum við virkilega stolt af þeim og þeirra flutningi.
Eftir söngkeppnina sá tónlistarmaðurinn Haffi Haff um að þeyta skífum ásamt því að flytja sína helstu smelli. Félagsmiðstöðin Zone þakkar öllum þeim sem komu að undirbúningi og skipulagi keppninnar sem tókst í alla staði mjög vel. Flottir krakkar á Suðurlandi.
Flóahreppur þakkar Örvari Rafni forstöðumanni félagsmiðstöðvarinnar og nefndarmönnum í Æskulýðs- og tómstundanefnd þeim Rannveigu, Davíð Inga og Sigurði Inga fyrir gott skipulag við undirbúning og framkvæmd þessarar hátíðar.