Venju samkvæmt ætlar Ungmennafélagið Vaka að standa fyrir sinni geysivinsælu skötuveislu í Þjórsárveri á Þorláksmessu og hefst borðhald kl 12:00. Boðið verður upp á gæða skötu ásamt meðlæti og einnig verður saltfiskur á boðstólum fyrir þá sem það kjósa. Kaffi og konfekt eftir matinn. Verðið er eftirfarandi:
Fullorðnir 2200 kr
Börn 6 – 12 ára 500 kr
Börn yngri frítt
Gestir eru beðnir að athuga að best er að borga með reiðufé þar sem posinn er oft hægvirkur þennan dag.
Nú eru síðustu forvöð að mæta í skötuveislu sem haldin er af Ungmennafélaginu Vöku. Áhugasamir um uppvask eru svo hjartanlega velkomnir inn í eldhús að láta til sín taka áður en tólgin harðnar á diskunum. Vonandi sjáumst við sem flest.
Stjórn Umf. Vöku