Ljósmyndamaraþon umf. Vöku fór fram á hátíðinni Fjör í Flóa nú um helgina. Dómnefndin hefur nú farið yfir innsendar myndir og útnefnt sigurvegara.
Dómnefndin samanstóð af Gunnari Marel Hinrikssyni, ljósmyndara, Erlu Björg Aðalsteinsdóttur og Guðmundu Ólafsdóttur. Þess má þó geta að Erla Björg ákvað í upphafi að draga sig í hlé frá dómarastörfum vegna fjölskyldutengsla við stórt hlutfall keppanda. Nafnleynd var viðhöfð við dæmingu myndaraðanna.
Átta myndaraðir voru sendar inn og verðlaunahafar í þeim flokki voru:
- Sandra Dís Sigurðardóttir, Jaðarkoti. Hún fær í verðlaun:
- Gjafabréf upp 5000kr sem gildir bæði í Tryggvaskála eða Kaffi Krús.
- Hálsmen frá Flói og mói.
- Gjafabréf upp á stækkun á mynd í 24x30cm frá Filmverk
Kolbrún Júlíusdóttir, Kolsholti. Hún fær í verðlaun:
- Gjafapakki frá Sveitabúðinni Sóley.
- Hálsmen frá Flói og mói.
Kristín Stefánsdóttir, Hurðarbaki. Hún fær í verðlaun:
- Hálsmen frá Flói og mói
20 myndir voru settar inn á instagram undir #fjöríflóa2014. Vinningshafar í þeim flokki voru:
Freyja Baldursdóttir, Klængsseli, fyrir myndina „Þuríður formaður hleypur uppi Sigurð Gottsveinsson“. Hún hlýtur í verðlaun:
- Gjafabréf upp á stóra pizzu að eigin vali frá Kaktus Restaurant.
- Gjafabréf upp á stækkun á instagrammynd í 20x20cm á foam frá Filmverk.
- Gjafapakki frá Skógræktafélagi Villingaholtshrepps.
Bryndís Rósantsdóttir, Hraungerði, fyrir mynd sína af Flóanum. Hún hlýtur í verðlaun:
- Gjafabréf upp á stækkun á instagrammynd í 15x15cm á foam frá Filmverk.
- Gjafapakki frá Skógræktafélagi Villingaholtshrepps.
Hallfríður Ósk Aðalsteinsdóttir, Lyngholti fyrir mynd af kassaklifri. Hún hlýtur í verðlaun:
- Gjafabréf upp á stækkun á instagrammynd í 13x13cm á foam frá Filmverk
Vinningar verða keyrðir út til vinningshafa á næstu dögum.
Við hjá ungmennafélaginu vöku viljum þakka öllum kærlega fyrir þátttökuna og sérstakar þakkir fá styrktaraðilar okkar sem gáfu verðlaunin.
Verðlaunamyndirnar verður hægt að sjá á heimasíðu Flóahrepps og á facebooksíðu umf. Vöku.