Vegna afleysinga auglýsir Flóaskóli og leikskólinn Krakkaborg eftir matreiðslumanni í 100% starf í sameiginlegu mötuneyti skólanna frá 15. febrúar til 31. maí 2014.
Skólarnir eru reknir á Villingaholti í Flóahreppi en mötuneytið er rekið í Félagsheimilinu Þjórsárveri sem staðsett er í göngufæri frá skólunum. Í Flóaskóla eru 93 nemendur í 1.-10. bekk og á leikskólanum Krakkaborg eru 42 nemendur á aldrinum 1-5 ára.
Í starfinu felst að hafa yfirumsjón með mötuneytinu, skipuleggja matseðla og annast innkaup á matvörum, áhöldum og tækjum fyrir mötuneytið í samstarfi við matráða og skólastjórnendur. Með matreiðslumanninum starfa tveir matráðar sem aðstoða við eldun, skömmtun og frágang í mötuneytinu.
Leitað er að samviskusömum og duglegum einstaklingi. Í störfum sínum þarf viðkomandi að sýna frumkvæði, sveigjanleika og lipurð í samskiptum.
Launakjör eru samkvæmt kjarasamningi Matvís og launanefndar sveitarfélaga.
Umsóknarfrestur er til og með 31. janúar 2014.
Umsóknum um starfið verður að fylgja ferilskrá. Hægt er að senda umsóknir í tölvupósti til skólastjóra og/eða leikskólastjóra sem gefa einnig nánari upplýsingar:
Guðmundur Freyr Sveinsson skólastjóri, sími 486-3460, netfang gudmundur@floaskoli.is Hallfríður Aðalsteinsdóttir leikskólastjóri, sími 482-3085, netfang halla@floahreppur.is
