Fundargerð 17. vinnufundar sveitarstjórnar Flóahrepps
Fundarstaður: Þingborg
Fundardagur: Þriðjudagur 20. nóvember 2013
Fundartími: 20:00- 00:00
Fundarmenn: Aðalsteinn Sveinsson, oddviti, Árni Eiríksson, Elín Höskuldsdóttir, Hilda Pálmadóttir, Svanhvít Hermannsdóttir og Margrét Sigurðardóttir, sveitarstjóri
Samþykkt að fundargerð verði rituð á tölvu sbr. 23. gr. sveitarstjórnarlaga.
Dagskrá:
- Fjárhagsáætlun 2014
Sveitarstjórn hittist til að ræða um fjárhagsáætlun.
Aðalsteinn fer yfir þróun mála í kostnaði sveitarfélagsins áranna 2007-2013, um áætlun er að ræða fyrir árið 2013. Að teknu tilliti til verðlagsbreytinga þessara ára hafa skatttekjur lækkað á þessum árum en kostnaður vegna stærsta málaflokksins, fræðslumála, hefur hækkað til samræmis við verðlagsbreytingar.
Farið yfir fjárhagsáætlun fyrir árið 2014.
- Leikskólamál
Fyrir fundi liggur greinargerð um stöðu mála í Krakkaborg frá umsjónarmanni fasteigna, Rúnari Magnússyni. Þar kemur fram að búið sé að mygluhreinsa alla innanstokksmuni sem fyrir lá að nýta ætti áfram, borð, stóla og fleiri muni. Búið er að grafa frá húsinu og í ljós kom að ástand sökkuls er ágætt, lítill raki og vatn lá ekki að sökklinum. Teknar voru prufuholur niður fyrir sökkulbrún til að athuga með jarðveg sem reyndist í góðu lagi. Söguð voru göt á þrjá staði í gólfplötu til að athuga með hugsanlegan raka á þeim stöðum þar sem mygla mældist hvað mest. Í innra anddyri reyndist vera töluverður raki sem að stafar að öllum líkindum frá frárennsli. Einnig var borað með kjarnabor á nokkra staði við útveggi en enginn raki fannst.
Fyrir fundi liggur jafnframt bréf frá áhugafólki um leikskólamál dags. 12. nóvember 2013 þar sem skorað er á sveitarstjórn að framfylgja og virða vilja meirihluta íbúa hreppsins um framtíðarstaðsetningu leikskólans Krakkaborgar í Þingborg samanber skoðanakönnun sem haldin var í tengslum við alþingiskosningar vor 2013.
Einnig eru lagðir fram minnispunktar frá fundi foreldraráðs Krakkaborgar með fulltrúum Flóahrepps dags. 18. nóvember 2013. Þar eru lagðar fram hugmyndir að því að elstu börnin í Krakkaborg verði í forskólabekk í Flóaskóla undir forystu og umsjón Flóaskóla.
- Leikskólastjóri
Karen Viðarsdóttir,leikskólastjóri hefur óskað eftir lausn frá störfum. Karenu eru þökkuð góð störf í þágu sveitarfélagsins.
- Trúnaðarmál
Fleira ekki tekið fyrir og fundi slitið kl. 00:00
Aðalsteinn Sveinsson, oddviti (sign)
Árni Eiríksson, varaoddviti (sign)
Elín Höskuldsdóttir (sign)
Hilda Pálmadóttir (sign)
Svanhvít Hermannsdóttir (sign)
Margrét Sigurðardóttir (sign)