Fundargerð 132. fundar sveitarstjórnar Flóahrepps
Fundarstaður: Þingborg
Fundardagur: Miðvikudagur 4. september 2013
Fundartími: 20:00 – 00:10
Fundarmenn: Aðalsteinn Sveinsson, oddviti, Árni Eiríksson, Elín Höskuldsdóttir, Hilda Pálmadóttir, Svanhvít Hermannsdóttir og Margrét Sigurðardóttir, sveitarstjóri
Aðalsteinn Sveinsson setti fund og Margrét Sigurðardóttir ritaði fundargerð.
Samþykkt að fundargerð verði rituð á tölvu sbr. 23. gr. sveitarstjórnarlaga. Samþykkt að taka fyrir önnur mál
Dagskrá:
- Skipulagsmál
a) Fundargerð skipulags- og byggingarnefndar uppsveita Árnessýslu og Flóahrepps
Lögð fram 62. fundargerð skipulags- og byggingarnefndar dags. 22. ágúst 2013. Eftirfarandi dagskrárliðir varða Flóahrepp:
Mál nr. 6: Afgreiðslur byggingarfulltrúa
Lagðar fram til kynningar afgreiðslur byggingarfulltrúa fram til 21. ágúst 2013.
Mál nr. 12: LB_Miklaholtshellir lnr. 166267 – ný lóð
Sveitarstjórn gerir ekki athugasemd við afgreiðslu nefndarinnar og samþykkir stofnun 7.440 fm lóðar úr landi Miklaholtshellis lnr. 166267 með vísun í 48. gr. skipulagslaga nr. 123/2010. Ekki er gerð athugsemd við landsskipti skv. 13. gr. jarðalaga.
Mál nr. 13: LB_Þingdalur – ósk um landsskipti
Sveitarstjórn gerir ekki athugasemd við afgreiðslu nefndarinnar og samþykkir skiptingu spildu úr landi Þingdals með lnr. 203005 með vísun í 48. gr. skipulagslaga nr. 123/2010, með fyrirvara um lagfæringu gagna í samráði við skipulagsfulltrúa.
Mál nr. 15: Hurðarbak
Sveitarstjórn gerir ekki athugasemd við afgreiðslu nefndarinnar og heimilar byggingarfulltrúa að gefa út byggingarleyfi miðað við breytta staðsetningu geymsluhúss.
Sveitarstjórn gerir athugasemd við tegund byggingar sem er skráð sem íbúðarhús í fundargerð.
Mál nr. 30: Askbr. Bitra – þjónustusvæði við Skeiðavegamót
Sveitarstjórn gerir ekki athugasemd við afgreiðslu nefndarinnar og samþykkir breytingu á Aðalskipulagi Hraungerðishrepps 2003-2015 í landi Bitru sem auglýst hefur verið skv. 1. mgr. 31. gr. skipulagslaga án athugasemda. Skipulagsfulltrúa falið að senda málið til staðfestingar Skipulagsstofnunar.
Mál nr. 31: DSK Egilsstaðir land nr. 196514 (Egilsstaðatjörn)
Sveitarstjórn gerir ekki athugasemd við afgreiðslu nefndarinnar og samþykkir deiliskipulag nýbýlisins Egilsstaðatjörn við Urriðafossveg sem auglýst hefur verið skv. 1. mgr. 41. gr. skipulagslaga nr. 123/2010 og sem lagfærð hefur verið m.t.t. fyrirliggjandi ábendingar/athugasemdar.
Mál nr. 32: DSK Sviðugarðar
Sveitarstjórn gerir ekki athugasemd við afgreiðslu nefndarinnar á tillögu að deiliskipulagi Sviðugarða og samþykkir að auglýsa tillöguna skv. 1. mgr. 41. gr. skipulagslaga nr. 123/2010 með fyrirvara um að undanþága fáist frá ákvæðum skipulagsreglugerðar varðandi fjarlægð mannvirkja frá stofn- og tengivegum.
Mál nr. 33: Dskbr. Þingdalur land lnr. 203007
Sveitarstjórn gerir ekki athugasemd við afgreiðslu nefndarinnar og samþykkir tillögu að breytingu á deiliskipulagi Þingdals land 203007 skv. 2. mgr. 43. gr. skipulagslaga nr. 123/2010. Grenndarkynning fellur niður.
Mál nr. 34: Breyting á skipulagslögum, ósk um umsögn
Sveitarstjórn gerir ekki athugasemd við afgreiðslu nefndarinnar á tillögu að breytingu á skipulagslögum. Tekið er undir athugasemd um að nauðsynlegt sé að koma á fót svæðisskipulagsnefnd fyrir Miðhálaendið að nýju þar til landsskipulagsstefna hefur tekið gildi.
Samþykkt með 5 atkvæðum.
b) Erindi frá Fóðurstöð Suðurlands vegna lóða í Heiðargerði
Lögð fram umsókn frá stjórnarformanni Fóðurstöðvar Suðurlands dags. 20. ágúst 2013 um lóðir nr. 7 og 8 í Heiðargerði í Flóahreppi.
Fyrirhuguð starfsemi er framleiðsla fóðurs fyrir loðdýr.
Sveitarstjórn samþykkir fyrirliggjandi umsókn og tekur undir ummæli stjórnarformanns um að úrbætur verði gerðar varðandi lyktarmengun og vargfugl á svæðinu.
Samþykkt með 5 atkvæðum.
c) Fyrirspurn um lóð í Þingborg
Lögð fram umsókn frá Baldri Eiðssyni dags. 30. ágúst 2013 um lóð við Þingborg samkvæmt deiliskipulagi íbúðarbyggðar við Þingborg dags. janúar 2006.
Sveitarstjórn frestar afgreiðslu málsins og samþykkir að skoða kostnað við að úthluta lóðunum sbr.ákvæði í deiliskipulagi og gjaldskrá gatnagerðargjalda Flóahrepps.
Ef til úthlutunar lóða kemur verður það gert að undangenginni auglýsingu.
Samþykkt með 5 atkvæðum.
d) Endurskoðun aðalskipulags
Rætt um endurskoðun á aðalskipulagi Hraungerðishrepps, Gaulverjabæjarhrepps og Villingaholtshrepps.
Samþykkt sem bókun með 5 atkvæðum.
- Fjárhagsáætlun, undirbúningur
Lagðar fram álagningarreglur fasteignagjalda í Flóahreppi fyrir árið 2013 og rætt um undirbúning vinnu við fjárhagsáætlun ársins 2014.
Sveitarstjórn samþykkir að óska eftir tillögum frá sveitarstjóra, stjórnendum leik- og grunnsskóla, umsjónarmanni fasteigna, húsvörðum félagsheimila og starfsmanni félagsmiðstöðvar um fjárhagsáætlun fyrir viðkomandi stofnanir. Tillögur liggi fyrir ekki seinna en 1. október n.k. Miðað verði við sömu forsendur í rekstri og fyrir árið 2013.
Samþykkt með 5 atkvæðum.
- Krakkaborg, deiliskipulag og hönnun viðbyggingar, kostnaðaráætlun
Lögð fram kostnaðaráætlun frá M2 teiknistofu ehf vegna vinnu við deiliskipulag fyrir Þingborg og gerð aðaluppdráttar fyrir viðbyggingu leikskólans.
Sveitarstjórn samþykkir að ganga til samninga við M2 vegna vinnu við aðaluppdrátt fyrir viðbyggingu.
Samþykkt að óska fleiri tilboðum í deiliskipulagsvinnu.
- Reglur um hvatastyrki
Lagðar fram til skoðunar, reglur um hvatastyrki til íþrótta- lista- og tómstundaiðkunar.
Sveitarstjórn samþykkir breytingu á 2. gr. reglna um hvatagreiðslur til íþrótta- lista- og tómstundaiðkunar á þann veg að börn og ungmenni 6-18 ára sem lögheimili eiga í Flóahreppi geti sótt um hvatastyrk vegna einkatíma í tónlistarnámi sem ekki er þegar niðurgreitt af sveitarfélaginu.
Samþykkt með 5 atkvæðum.
- Klasasamstarf í Flóahreppi, umsýsla
Rætt um óstofnað klasasamstarf ferðaþjónustuaðila og fleiri atvinnurekenda í Flóahreppi sem nýverið fékk styrk frá SASS.
- Raforkumál
Fjallað um raforkumál í Flóahreppi. Aðalsteinn greindi frá fundi með stjórn Rarik 21. ágúst s.l. Á fundinum var m.a. rætt um mismunun á dreifingarkostnaði milli íbúa dreifbýlis og þéttbýlis. Sveitarstjórn lýsir yfir áhyggjum sínum af þróun mála og vísar málinu til vinnufundar sveitarstjórnar 11. september n.k. til frekari umfjöllunar.
Samþykkt með 5 atkvæðum.
- Samþykktir SASS
Lagðar fram til kynningar, tillaga að nýjum samþykktum SASS.
- Þurrkskápar í Krakkaborg
Tekið fyrir tilboð í þurrkskápa fyrir leikskólann Krakkaborg kr. 300.000. Einnig lögð fram beiðni um kaup á gardínum til að bæta hljóðvist kr. 220.000.
Sveitarstjórn samþykkir tilboðin og að kostnaður falli undir fjárfestingu fyrir leikskólann.
Samþykkt með 5 atkvæðum.
- 9. Umsögn Sambands íslenskra sveitarfélaga um drög að lagafrumvarpi til breytinga á skipulagslögum
Lögð fram til kynningar, umsögn Sambands íslenskra sveitarfélaga um drög að lagafrumvarpi til breytinga á skipulagslögum dags. 28. ágúst 2013.
- Trúnaðarmál
- Trúnaðarmál
- Fundargerðir
a) Sveitarstjórnar Flóahrepps
Lögð fram fundargerð sveitarstjórnar dags. 7. ágúst 2013.
b) Fræðslunefndar
Lögð fram fundargerð fræðslunefndar dags. 15. ágúst 2013 ásamt upplýsingum um skólaakstur 2013-2014, upplýsingum um endurmenntun starfsmanna leik- og grunnskóla og umbótaáætlun Flóaskóla 2012-2013.
Varðandi lið 3, Flóaskóli-tölvumál. Sveitarstjórn staðfestir að gengið verði frá samningi við TRS vegna Office 365 hýsingarþjónstu og staðbundinni gagnageymslu samkvæmt fyrirliggjandi tilboði.
Samþykkt með 5 atkvæðum.
c) Vinnuhóps um leikskólamál
Lagðar fram fundargerðir vinnufundar um leikskólamál dags. 12. ágúst og 21. ágúst 2013. Einnig lagt fram til kynningar skýrsla Húss og heilsu fyrir leikskólann Krakkaborg.
d) Stjórnar SSKS
Lögð fram fundargerð Samtaka sveitarfélaga á köldum svæðum dags. 19. ágúst 2013.
- Til kynningar:
a) 468. fundur SASS dags. 16. ágúst 2013 ásamt upplýsingum um farþegafjölda í sjö mánuði 2013 á Suðurlandi
b) 152. fundur Skólaskrifstofu
Suðurlands og fundargerð aukaaðalfundar Skólaskrifstofu Suðurlands dags. 23. ágúst 2013
- Önnur mál:
a) Tillaga að breytingu aðalskipulags Hraungerðishrepps, Bitra
Tekið fyrir erindi frá arkitektastofunni Arkform dags. 22. ágúst 2013 þar sem óskað er eftir því að tillaga um breytingu á aðalskipulagi verði tekin til afgreiðslu þar sem gert verði ráð fyrir deiliskipulagi búgarðabyggðar í landi Bitru.
Máli frestað til næsta fundar.
Samþykkt með 5 atkvæðum.
b) Atvinnustefna í Flóahreppi
Rætt um atvinnustefnu sveitarfélaga en Finnbogi Alfreðsson hefur átt fund með fulltrúum Flóahrepps varðandi hugmyndir um stefnu í atvinnumálum.
Sveitarstjórn samþykkir að vísa málinu til atvinnu- og umhverfisnefndar.
Samþykkt með 5 atkvæðum.
c) Fundargerð aðalfundar Afréttarmálafélags Flóa- og Skeiða
Lögð fram til kynningar fundargerð aðalfundar Afréttarmálafélags Flóa- og Skeiða dags. 29. apríl 2013 ásamt skýrslu stjórnar, fjárhagsáætlun 2013 og ársreikningi 2012.
e) Skálmholtshraun, óskilahross
Kynnt staða mála varðandi hross í landi Skálmholtshrauns. Hrossin hafa verið auglýst sem óskilahross sbr. 4. mgr. 59. gr. laga nr. 6/1986.
Fleira ekki tekið fyrir og fundi slitið kl. 00:10