Fimmtudagskvöldið 15. ágúst verður hið geisivinsæla hjólarallý Umf. Vöku haldið í Breiðholtsgryfjunum við Hurðarbaksveg.
Keppnin átti að fara fram í síðustu viku en var þá frestað vegna veðurs. Keppnin er opin öllum krökkum og í ár verður vegna fjölda áskoranna einnig boðið upp á keppni í fullorðinsflokki.
Keppendur þurfa að fara í gegnum þrjár brautir sem allar reyna á hraða, leikni og þor og heyrst hefur að torfærubrautin í ár verði enn svaðalegri en í fyrra. Að sjálfsögðu er hjálmaskylda í keppninni til þess að stuðla að öryggi keppenda. Ungmennafélagið verður með sjoppu á staðnum og þess má geta að allir þátttakendur fá viðurkenningu fyrir þátttökuna.
Hlökkum til að sjá sem flesta, hvort sem þeir ætla að keppa eða sýna hugdjörfum hjólaköppunum stuðning!
Umf. Vaka