Fundargerð 131. fundar sveitarstjórnar Flóahrepps
Fundarstaður: Þingborg
Fundardagur: Miðvikudagur 7. ágúst 2013
Fundartími: 20:00 – 23:00
Fundarmenn: Aðalsteinn Sveinsson, oddviti, Árni Eiríksson, Elín Höskuldsdóttir, Hilda Pálmadóttir, Svanhvít Hermannsdóttir og Margrét Sigurðardóttir, sveitarstjóri
Aðalsteinn Sveinsson setti fund og Margrét Sigurðardóttir ritaði fundargerð.
Samþykkt að fundargerð verði rituð á tölvu sbr. 23. gr. sveitarstjórnarlaga.
Dagskrá:
- Skipulagsmál
a) Fundargerðir skipulags- og byggingarnefndar uppsveita Árnessýslu og Flóahrepps
Lögð fram 61. fundargerð skipulags- og byggingarnefndar dags. 25. júlí 2013. Eftirfarandi dagskrárliðir varða Flóahrepp:
Mál nr. 4: Afgreiðslur byggingarfulltrúa.
Lagðar fram til kynningar afgreiðslur byggingarfulltrúa fram til 19. júlí 2013.
Mál nr. 8: LB_Hallandi 1 lnr. 166234 og Hallandi 2 lnr. 198598
Sveitarstjórn gerir ekki athugasemd við afgreiðslu nefndarinnar og samþykkir breytingu á mörkum Hallanda 1 lnr. 166234 og Hallanda 2 lnr. 198598 með fyrirvara um samþykki eigenda aðliggjandi landa.
Mál nr. 25: 1. tl. Stóra-Ármót – fjárhús
Sveitarstjórn gerir ekki athugsemd við afgreiðslu nefndarinnar og samþykkir byggingu fjárhúss í landi Stóra-Ármóts skv. 1. tl. bráðabirgðaákvæðis skipulagslaga nr. 123/2010 með fyrirvara um meðmæli Skipulagsstofnunar.
Hilda Pálmadóttir situr hjá við afgreiðslu málsins.
Mál nr. 26: Dsk Heiðarbær í Flóahreppi
Sveitarstjórn gerir ekki athugasemd við afgreiðslu nefndarinnar og samþykkir að auglýsa tilögu að deiliskipulagi 7 frístundahúsa umhverfis Dælarétt skv. 1. mgr. 41. gr. skipulagslaga nr. 123/2010. Að mati sveitarstjórnar liggja allar meginforsendur deiliskipulagsins fyrir í aðalskipulagi og er því ekki talin þörf á lýsingu skv. 2. mgr. 40. gr. eða kynningu skv. 4. mgr. 40. gr. skipulagslaga nr. 123/2010.
Mál nr. 27: Dsk Sviðugarðar
Sveitarstjórn gerir ekki athugsemd við afgreiðslu nefndarinnar um að fresta afgreiðslu á deiliskipulagi 2 ha íbúðarhúsalóðar úr landi Sviðugarða þar til fyrir liggur rökstuðningur fyrir afmörkun á byggingarreit nær þjóðvegi en 100 m sbr. ákvæði skipulagsreglugerðar.
Mál nr. 28: Litlu-Reykir dsk
Sveitarstjórn gerir ekki athugsemd við afgreiðslu nefndarinnar á bréfi umhverfis- og auðlindaráðuneytisins dags. 24. júní 2013 þar sem óskað er eftir ítarlegri rökstuðningi fyrir því hvers vegna óskað er eftir undanþágu frá ákvæðum skipulagsreglugerðar varðandi fjarlægð mannvirkja frá þjóðvegum. Helsta ástæða þess að leitast er við að hafa byggingarreiti nær þjóðvegi en 100m er að land fjær vegi er lægra í landi og því ekki eins hentugt til bygginga m.t.t. flóðahættu. Þá liggur raflína um landið aðeins vestar sem takmarkar möguleika til bygginga á því svæði sem er hærra en aðliggjandi land. Sveitarstjórn felur skipulagsfulltrúa að ítreka beiðni um undanþágu frá ákvæðum skipulagsreglugerðar og heimilar auglýsingu á deiliskipulaginu þegar undanþágan liggur fyrir.
Mál nr. 25 samþykkt með 4 atkvæðum. Önnur mál samþykkt með 5 atkvæðum.
- Krakkaborg, deiliskipulag og hönnun viðbyggingar
Lögð fram tillaga nr. 2 að breyttu fyrirkomulagi og viðbyggingu leikskólans Krakkaborgar frá teiknistofu M2 ehf. dags. 8. júlí 2013.
Einnig liggja fyrir fundi fundargerðir vinnuhóps um leikskólamál dags. 26. júní og 8. júlí 2013.
Samþykkt að fá kostnaðaráætlun hjá M2 vegna vinnu við deiliskipulag og fullnaðarhönnun á leikskólanum Krakkaborg sbr. fyrirliggjandi tillögu.
Samþykkt með 5 atkvæðum.
- Viðauki við fjárhagsáætlun Flóahrepps fyrir árið 2013
Lagður fram viðauki við fjárhagsáætlun Flóahrepps fyrir árið 2013 sbr. 2. mgr. 63. gr. sveitarstjórnarlaga nr. 138/2011. Um er að ræða tilfærslur á milli málaflokka og deilda, reksturs og fjárfestingar. Rekstrargjöld munu hækka nettó um 3.010.000 kr. og fjárfesting lækka um sömu tölu. Samþykkt viðauka hefur ekki í för með sér auknar fjárheimildir.
Samþykkt með 5 atkvæðum.
- Umhverfisverðlaun Flóahrepps
Fyrir fundi liggur fundargerð atvinnu- og umhverfisnefndar Flóahrepps dags. 31. júlí 2013 þar sem gerð er tillaga um fimm staði í sveitarfélaginu sem til greina koma vegna útnefningar umhverfisverðlauna fyrir árið 2013.
Sveitarstjórn samþykkir tillögu nefndarinnar um umhverfisverðlaun.
Samþykkt með 5 atkvæðum.
- Erindi frá Tónlistarskóla Árnesinga
Lagt fram erindi frá Róbert Darling með upplýsingum um fjölda nemenda sem óska eftir að komast í tónlistarnám veturinn 2013-2014. Fyrirhuguð aukning er um 6,5 klst. á viku.
Sveitarstjórn samþykkir aukningu um 3,5 klst. á viku fyrir þá nemendur sem þarf að færa úr hálfu námi í heilt nám.
Samþykkt með 5 atkvæðum.
- Erindi frá Tónsmiðju Suðurlands
Tekið fyrir erindi frá Tónsmiðju Suðurlands dags. 6. júní 2013 þar sem óskað er eftir samstarfi við sveitarfélagið um tónlistarkennslu.
Sveitarstjórn samþykkir að gera samning til eins árs við Tónsmiðjuna um kennslu fyrir allt að 3 nemendum 18 ára og yngri með lögheimili í Flóahreppi.
Samþykkt með 5 atkvæðum.
- Snjómokstur í Flóahreppi
Samningar um snjómokstur í Flóahreppi runnu út 15. apríl 2013.
Sveitarstjórn samþykkir að fela sveitarstjóra að framlengja samning við Vegagerðina og verktaka um áframhaldandi samstarf um snjómokstur í sveitarfélaginu til eins árs.
Samþykkt með 5 atkvæðum.
- Skólaskrifstofumál, samstarf um þjónustu við skóla
Lagðar fram til kynningar, fundargerðir NOS dags. 8. júlí 2013 og starfshóps um skólaþjónustu dags. 29. júlí 2013.
Einnig lögð fram drög að samningi um ráðgjöf um skipulag og verkefni þjónustu við leik- og grunnskóla í sjö sveitarfélögum í Árnesþingi.
Sveitarstjórn samþykkir saminginn fyrir sitt leyti.
Samþykkt með 5 atkvæðum.
- Trúnaðarmál
- Fundargerðir
a) Sveitarstjórnar Flóahrepps
Lögð fram fundargerð sveitarstjórnar dags. 3. júlí 2013.
b) Vinnuhóps um leikskólamál
Lagðar fram fundargerðir vinnuhóps um leikskólamál dags. 26. júní og 8. júlí 2013.
c) Atvinnu- og umhverfisnefndar
Lögð fram fundargerð atvinnu- og umhverfisnefndar dags. 31. júlí 2013.
- Til kynningar:
a) Áningastaður við Urriðafoss
b) Endurnýjun þaks á Félagslundi
c) Erindi frá Innanríkisráðuneytinu dags. 10. júlí 2013
- Önnur mál:
a) Yrpuholt, staða mála
Lagt fram til kynningar, yfirlit um stöðu mála varðandi Yrpuholt.
Fleira ekki tekið fyrir og fundi slitið kl. 23:00
Aðalsteinn Sveinsson, oddviti (sign)
Árni Eiríksson, varaoddviti (sign)
Elín Höskuldsdóttir (sign)
Hilda Pálmadóttir (sign)
Svanhvít Hermannsdóttir (sign)
Margrét Sigurðardóttir (sign)