Fundargerð 128. fundar sveitarstjórnar Flóahrepps
Fundarstaður: Þingborg
Fundardagur: Miðvikudagur 8. maí 2013
Fundartími: 20:00 – 01:00
Fundarmenn: Aðalsteinn Sveinsson, oddviti
Árni Eiríksson
Elín Höskuldsdóttir
Hilda Pálmadóttir
Svanhvít Hermannsdóttir
Margrét Sigurðardóttir, sveitarstjóri
Aðalsteinn Sveinsson setti fund og Margrét Sigurðardóttir ritaði fundargerð.
Samþykkt að fundargerð verði rituð á tölvu sbr. 23. gr. sveitarstjórnarlaga.
Sveitarstjórn vill í upphafi fundar þakka Félagi iðn- og tæknigreina, Verslunarmannafélagi Suðurlands og Stéttarfélaginu Bárunni fyrir höfinglega bókagjöf, Sögu Alþýðusambands Íslands sem fulltrúar félaganna færðu Flóahreppi.
Dagskrá:
- Skipulagsmál
a) Fundargerðir skipulags- og byggingarnefndar uppsveita Árnessýslu og Flóahrepps
Lögð fram 57. fundargerð skipulags- og byggingarnefndar dags. 21. mars 2013. Eftirfarandi dagskrárliðir varða Flóahrepp:
Mál nr. 5: Afgreiðslur byggingarfulltrúa.
Lagðar fram til kynningar afgreiðslur byggingarfulltrúa til 19. mars 2013.
Mál nr. 22: Askbr. Bitra – þjónustusvæði við Skeiðavegamót. Sveitarstjórn gerir ekki athugasemd við afgreiðslu nefndarinnar og samþykkir að auglýsa breytingu á aðalskipulagi sveitarfélagsins sem felst í að svæði við vegamót Skeiða- og Hrunamannavegar og Suðurlandsvegar breytist í svæði fyrir verslun- og þjónustu.
Mál nr. 23: Dsk Hnaus land 2 lnr, 213873. Sveitarstjórn gerir ekki athugasemd við afgreiðslu nefndarinnar og samþykkir að tillaga að aðalskipulagi 12,5 ha spildu úr landi Hnaus verði kynnt skv. 4. mgr. 40. gr. skipulagslaga nr. 123-2010.
Samþykkt með 5 atkvæðum.
Einnig lögð fram 58. fundargerð skipulags- og byggingarnefndar dags. 23. apríl 2013. Eftirfarandi dagskrárliðir varða Flóahrepp:
Mál nr. 6: Frkvl. Stóra-Ármót – Ósabotnar.
Sveitarstjórn gerir ekki athugasemd við afgreiðslu nefndarinnar og samþykkir að fela skipulagsfulltrúa að gefa út framkvæmdaleyfi fyrir borun nýrrar holu um 130 m norðan við núverandi vinnsluholur þegar leyfi Fiskistofu liggur fyrir. Sveitarstjórn samþykkir jafnframt stækkun lóðarinnar úr 3,8 ha í 5,14. Frá því að nefndin fjallaði um málið hefur borist inn ný tillaga að nafni lóðarinnar, Lambhagatá. Sveitarstjórn gerir ekki athugasemd við breytingu á heiti lóðarinnar.
Mál nr. 7: Skálmholtshraun
Sveitarstjórn gerir ekki athugasemd við afgreiðslu nefndarinnar og fellst ekki á tillögu að vegi þar sem hún stangast á við gildandi deiliskipulag Skálmholtstúns.
Mál nr. 9: Afgreiðslur byggingarfulltrúa.
Lagðar fram til kynningar afgreiðslur byggingarfulltrúa frá 20. mars til 22. apríl 2013.
Mál nr. 14: Gafl lnr. 218942 og 218943 – ósk um sameiningu.
Eftir afgreiðslu skipulagsnefndar hefur borist bréf frá umsækjenda þar sem hann óskar eftir því að spildurnar tvær verði sameinaðar óháð því hvort að fyrirliggjandi deiliskipulag nái fram að ganga eða ekki. Sveitarstjórn gerir ekki athugasemd við sameiningu.
Mál nr. 15: LB_Litlu-Reykir lnr. 166264 – ný íbúðarhúsalóð.
Sveitarstjórn gerir ekki athugasemd við afgreiðslu nefndarinnar og samþykkir stofnun nýrrar íbúðarhúsalóðar á bæjartorfu Litlu-Reykja og samþykkir jafnframt að leita eftir meðmælum Skipulagsstofnunar í samræmi við 1. tl bráðabirgðaákvæðis skipulagslaga nr. 123/2010. Fyrir liggur umsögn Minjastofnunar Íslands.
Mál nr. 16: _Ölvisholt 5
Sveitarstjórn gerir ekki athugsemd við afgreiðslu nefndarinnar og samþykkir breytinguna skv. 2. mgr. 43. gr. skipulagslaga nr. 123/2010. Ekki er talin þörf á grenndarkynningu.
Mál nr. 40: Dsk Gafl lóð 1 og lóð 2 (Reyrhagi)
Sveitarstjórn gerir ekki athugsemd við afgreiðslu nefndarinnar og frestar afgreiðslu málsins þar til fyrir liggja viðbrögð umsækjanda við öllum innkomnum athugasemdum.
Mál nr. 41: Dsk Miklaholtshellir lnr. 166267 – lýsing. Sveitarstjórn gerir ekki athugasemd við afgreiðslu nefndarinnar og felur skipulagsfulltrúa að kynna lýsingu og leita umsagna viðeigandi stofnana.
Samþykkt með 5 atkvæðum.
b) Ársskýrsla byggðasamlags skipulags- og byggingarfulltrúa Uppsveita bs. 2012
Lögð fram til kynningar, ársskýrsla byggðasamlags skipulags- og byggingarfulltrúa Uppsveita bs. fyrir árið 2012 ásamt skýrslu stjórnar.
Samþykkt með 5 atkvæðum.
c) Fundargerð aðalfundar skipulags- og byggingarfulltrúaembættis uppsveita Árnessýslu og Flóahrepps bs.
Lögð fram til kynningar, fundargerð aðalfundar skipulags- og byggingafulltrúaembættis uppsveita Árnessýslu og Flóahrepps bs.
Einnig lagður fram ársreikningur embættisins sem barst með tölvupósti í dag, 8. maí 2013.
Samþykkt með 5 atkvæðum.
d) Fyrirspurn varðandi landið Sölvaflatir
Lögð fram fyrirspurn frá Sigfúsi Kristinssyni dags. 7. apríl 2013 um áhuga sveitarstjórnar á kaupum eða leigu á landi í hans eigu, Sölvaflötum, 37,1 ha. lands.
Sveitarstjórn hefur ekki áhuga á kaupum eða leigu á landinu.
Samþykkt með 5 atkvæðum.
- Niðurstöður skoðanakönnunar vegna leikskólans Krakkaborgar
Oddviti fór yfir stöðu mála varðandi niðurstöðu skoðanakönnunar vegna leikskólans Krakkaborgar.
Niðurstaða skoðanakönnunar um framtíðarstaðsetningu leikskólans Krakkaborgar liggur fyrir en 204 eða 60% vildu að framtíðarstaðsetning verði í Þingborg og 127 eða 37% að framtíðarstaðsetning verði í Flóaskóla.
Í skoðanakönnun var hægt að haka við annað af neðangreindu:
□ Vilt þú að framtíðarstaðsetning leikskólans Krakkaborgar verði í Þingborg?
□ Vilt þú að framtíðarstaðsetning leikskólans Krakkaborgar verði í Flóaskóla?
Á kjörskrá voru 457 manns og 339 tóku þátt í skoðanakönnuninni eða 74% kjósenda. 7 seðlar voru auðir og 1 ógildur.
Sveitarstjórn samþykkir að setja á laggirnar vinnuhóp til að skoða uppbyggingu og viðhald húsnæðisins Krakkaborgar með það í huga að framtíðarstaðsetning leikskólans verði í Þingborg. Í vinnuhóp eigi sæti leikskólastjóri og fulltrúi starfsmanna Krakkaborgar, fulltrúi fræðslunefndar, fulltrúi sveitarstjórnar og fulltrúi foreldraráðs. Einnig sitji sveitarstjóri fundi sem starfsmaður vinnuhópsins. Sveitarstjórn samþykkir að Aðalsteinn Sveinsson verði fulltrúi sveitarstjórnar í vinnuhóp og Hilda Pálmadóttir varamaður.
Sveitarstjórn samþykkir jafnframt að óska eftir tilboðum í viðhaldsverkefni Krakkaborgar samkvæmt fyrirliggjandi yfirliti umsjónarmanns fasteigna.
Samþykkt með 5 atkvæðum.
- Drög að samningi við Íslenska Gámafélagið
Lögð fram drög að endurnýjun samings við Íslenska Gámafélagið.
Sveitarstjórn samþykkir að fresta afgreiðslu.
Samþykkt með 5 atkvæðum.
- Samningar um skólaakstur
Lögð fram drög að samningum um skólaakstur fyrir árið 2013-2014. Samið verður við sömu aðila og sáu um skólaakstur á síðasta skólaári.
Sveitarstjórn samþykkir fyrirliggjandi drög og felur sveitarstjóra að ganga frá samningum við skólabílstjóra.
Samþykkt með 5 atkvæðum.
- Samningur við skólastjóra
Gengið hefur verið frá ráðningu skólastjóra Flóaskóla samkvæmt fundargerð 11. fundar vinnufundar sveitarstjórnar dags. 24. apríl 2013.
Samþykkt með 5 atkvæðum.
- Menningarstyrkir Flóahrepps
Lögð fram til staðfestingar fundargerð vinnufundar sveitarstjórnar nr. 12 frá 6. maí 2013 þar sem samþykkt er úthlutun menningarstyrks Flóahrepps árið 2013. Til ráðstöfunar var 1.000.000 kr.
Eftirtaldir aðilar fengu úthlutað:
Hannes Lárusson, 500.000 kr. vegna sýningar um torfbyggingar í Austur-Meðalholti.
Sóknarnefnd Villingaholtskirkju, 350.000 kr. vegna vinnu við að koma kirkjunni í upprunalegt horf.
Svanhvít Hermannsdóttir, 150.000 kr. til gerðar veggspjalda um Flóaáveituna.
Samþykkt sem bókun með 5 atkvæðum.
- Beiðni um umsögn vegna rekstrarleyfis
Lögð fram beiðni frá Sýslumanninum á Selfossi dags. 24. apríl 2013 um umsögn vegna rekstrarleyfis fyrir Icelandic Cottages, í Hraunmörk.
Sveitarstjórn gerir ekki athugasemdir við fyrirliggjandi umsókn sbr. 23. og 24. gr. reglug. nr. 585/2007.
Samþykkt með 5 atkvæðum.
- Erindi vegna Orkugerðarinnar í Hraungerði
Lagt fram bréf frá Jóhanni Helga Hlöðverssyni, Vatnsholti dags. 3. maí 2013 þar sem hann hvetur til aðgerða vegna lyktarmengunar frá Orkugerðinni, Heiðargerði.
Sveitarstjórn tekur undir orð Jóhanns Helga og telur löngu tímabært að farið verði í aðgerðir af hálfu eigenda Orkugerðarinnar til að lágmarka ólykt frá verksmiðjunni og að umgengni á svæðinu verði lagfærð.
Sveitarstjóra falið að fylgja málinu eftir.
Samþykkt með 5 atkvæðum.
- Drög að reglum um námsmannaafslátt af fargjöldum með strætó
Lögð fram drög að reglum um námsmannaafslátt af fargjöldum með strætó fyrir námsmenn með lögheimili í Flóahreppi sem eru í námi við framhaldsskóla eða háskóla.
Samþykkt með 5 atkvæðum.
- Tilboð vegna málningarvinnu, Flóaskóli og Félagslundur
Fyrir fundi liggja tilboð í málningarvinnu í Flóaskóla og Félagslundi sem samþykkt var við gerð fjárhagsáætlunar 2013. Sveitarstjórn samþykkir að taka lægsta tilboði enda rúmast það innan fjárhagsáætlunar og inniheldur alla þætti verksins.
Sveitarstjórn samþykkir einnig að taka tilboði í málningu á þaki nýju viðbyggingarinnar í Flóaskóla, 861.000 kr. með fyrirvara um að viðloðun á þakinu sé trygg. Samþykkt að sá kostnaður verði færður undir fjárfestingaráætlun sveitarstjórnar fyrir árið 2013.
Samþykkt með 5 atkvæðum.
- Tilboð vegna skápa í Flóaskóla
Fyrir fundi liggja tilboð í skáp í Flóaskóla. Tilboðin eru sambærileg, 260.000 kr. Sveitarstjórn samþykkir að fela skólastjóra að ganga frá kaupum á skáp. Samþykkt að kostnaður verði færður undir fjárfestingaráætlun sveitarstjórnar fyrir árið 2013.
Samþykkt með 5 atkvæðum.
- Uppsagnarbréf umsjónarmanns fasteigna
Lagt fram bréf frá Guðmundi Jóni Sigurðssyni þar sem hann segir upp starfi sínu frá og með 31. júlí 2013. Guðmundi Jóni eru þökkuð góð og vönduð störf í þágu sveitarfélagsins.
Sveitarstjórn samþykkir að gera skipulagsbreytingu til reynslu í eitt ár sem felst í því að sameina störf húsvarðar Flóaskóla og umsjónarmanns fasteigna. Sveitarstjórn samþykkir að fela sveitarstjóra að leita samninga við húsvörð Flóaskóla um breytingar á hans starfslýsingu.
Samþykkt með 5 atkvæðum.
- Erindi frá Almannavörnum Árnessýslu
Lagt fram bréf frá Almannavörnum Árnessýslu dags. 26. apríl 2013. Í bréfinu er óskað eftir samþykki fyrir skiptingu framlaga til uppbyggingar á stjórnstöð fyrir Almannavarnir. Hlutur Flóahrepps er 85.122 kr. samkvæmt fyrirliggjandi áætlun. Sveitarstjórn samþykkir sinn hlut með fyrirvara um að önnur aðildarsveitarfélög samþykki skiptinguna.
Samþykkt með 5 atkvæðum.
- Erindi frá Búnaðarfélagi Gaulverja
Lögð fram bókun frá aðalfundi Búnaðarfélags Gaulverja dags. 8. apríl 2013 þar sem hvatt er til að viðhaldi heimreiða í Flóahreppi sé betur sinnt.
Sveitarstjórn tekur undir bókun búnaðarfélagsins og beinir erindinu til veghaldarans, Vegagerðarinnar sem annast allt viðhald vega í sveitarfélaginu.
Samþykkt með 5 atkvæðum.
- Trúnaðarmál
- Fundargerðir
a) Sveitarstjórnar Flóahrepps
Fundargerð sveitarstjórnar Flóahrepps nr. 127 dags.3. apríl 2013 lögð fram ásamt fundargerðum vinnufunda nr. 10 og 11 dags. 16. og 24. apríl 2013.
b) Fræðslunefndar Flóahrepps
Fundargerð fræðslunefndar Flóahrepps dags. 23. apríl 2013 lögð fram ásamt skóladagatölum grunn- og leikskóla fyrir skólaárið 2013-2014.
Varðandi lið 3: sveitarstjórn staðfestir að auglýst verði eftir matreiðslumenntuðum starfsmanni í mötuneyti skólans.
Varðandi lið 5: sveitarstjórn hafnar ósk fræðslunefndar um að Félagsmiðstöðin Zone fái Skólatún undir starfsemi sína. Sveitarstjórn samþykkir að farið verði í nauðsynlegt viðhald á húsinu og því komið í útleigu.
Að öðru leyti er fundargerð fræðslunefndar lögð fram til kynningar.
Samþykkt með 5 atkvæðum.
c) Æskulýðs- og tómstundanefndar
Fundargerð æskulýðs- og tómstundanefndar dags. 17. apríl 2013 lögð fram.
Varðandi lið 1: sveitarstjórn hafnar ósk æskulýðsnefndar um að Félagsmiðstöðin Zone fái Skólatún undir starfsemi sína sbr. bókun hér að ofan.
Samþykkt með 5 atkvæðum.
d) Rekstrarstjórnar félagsheimila Flóahrepps
Fundargerðir rekstrarstjórnar félagsheimila Flóahrepps dags. 20. nóvember 2012 og 2. apríl 2013 lagðar fram.
Sveitarstjórn óskar eftir því að fundargerðir rekstrarstjórnar berist jafnóðum eftir hvern fund.
- Til kynningar:
a) 149. fundur Heilbrigðisnefndar Suðurlands dags. 5. apríl 2013
b) 466. fundur SASS dags. 26. apríl 2013
c) 225. fundur Sorpstöðvar Suðurlands dags. 26. mars 2013
d) 1. fundur fagráðs Brunavarna Árnessýslu dags. 5. apríl 2013
e) Erindi frá Skipulagsstofnun dags. 8. apríl 2013 vegna skipulagsmála varðandi grunnskóla
f) Erindi frá Héraðssambandinu Skarphéðni dags. 4. apríl 2013
g) Erindi frá Ungmennafélagi Íslands dags. 2. apríl 2013
h) Erindi frá Landsnet dags. 4. apríl 2013
i) Tölvupóstur frá sveitarstjóra Grímsnes- og Grafningshrepps dags. 30. apríl 2013
j) Erindi frá Menningarráði varðandi styrkveitingu til Tónahátíðar, 300.000 kr.
k) Mótmæli við deiliskipulagstillögu í landi Langholts 2 og 3
- Önnur mál
a) Bréf frá Reiðskóla Sleipnis
Lagt fram bréf dags. 8. maí 2013 þar sem óskað er eftir fá ungling úr Vinnuskóla Flóahrepps til starfa við Reiðskóla Sleipnis n.k. sumar.
Sveitarstjórn samþykkir fyrirliggjandi beiðni.
Samþykkt með 5 atkvæðum.
b) Beiðni um styrk
Lögð fram beiðni dags. 6. maí 2013 um styrk vegna ferðar nemenda Flóaskóla til Kaupmannahafnar 25. maí n.k.
Sveitarstjórn sér ekki færi á að samþykkja beiðnina.
Samþykkt með 5 atkvæðum.
c) Skilti við Flóðgátt
Vinna við gerð skiltis sem standa á við Flóðgáttina kynnt.
Fleira ekki tekið fyrir og fundi slitið kl. 01:00
Aðalsteinn Sveinsson, oddviti (sign)
Árni Eiríksson (sign)
Elín Höskuldsdóttir (sign)
Hilda Pálmadóttir (sign)
Svanhvít Hermannsdóttir (sign)
Margrét Sigurðardóttir (sign)