Fundargerð 10. vinnufundar sveitarstjórnar Flóahrepps
Fundarstaður: Þingborg
Fundardagur: Miðvikudagur 16. apríl 2013
Fundartími: 16:00 – 16:30
Fundarmenn: Aðalsteinn Sveinsson, oddviti
Árni Eiríksson
Elín Höskuldsdóttir
Hilda Pálmadóttir
Svanhvít Hermannsdóttir
Margrét Sigurðardóttir, sveitarstjóri ritaði fundargerð
Samþykkt að fundargerð verði rituð á tölvu sbr. 23. gr. sveitarstjórnarlaga.
Dagskrá:
- Kjörskrár vegna Alþingiskosninga og skoðanakönnunar
Kjörskrá fyrir Flóahrepp vegna Alþingiskosninga 27. apríl 2013 lögð fram. Sveitarstjórn samþykkir fyrirliggjandi kjörskrá. Sveitarstjórn samþykkir einnig að fela sveitarstjóra og oddvita fullnaðarheimild til að fjalla um athugasemdir, gera nauðsynlegar leiðréttingar og úrskurða um ágreiningsmál sem upp kunna að koma fram að kjördegi 27. apríl n.k. í samræmi við 27. og 28. gr. laga um kosningar til Alþingis nr. 24/2000.
Einnig er lögð fram kjörskrá fyrir Flóahrepp vegna ráðgefandi skoðanakönnunar sem haldin verður samhliða Alþingiskosningum 27. apríl 2013. Rétt til að taka þátt í skoðanakönnun eiga þeir sem uppfylla skilyrði 2. gr. sbr. 5. gr. laga um kosningar til sveitarstjórna nr. 5/1998 og voru með lögheimili í Flóahreppi 6. apríl 2013.
Sveitarstjórn samþykkir fyrirliggjandi kjörskrá. Sveitarstjórn samþykkir einnig að fela sveitarstjóra og oddvita fullnaðarheimild til að fjalla um athugasemdir, gera nauðsynlegar leiðréttingar og úrskurða um ágreiningsmál sem upp kunna að koma fram að 27. apríl n.k. í samræmi við 10. og 11. gr. laga um kosningar til sveitarstjórna.
Ekki verður um utankjörfundaratkvæðagreiðslu að ræða vegna skoðanakönnunar.
Fleira ekki tekið fyrir og fundi slitið kl. 16.30
Aðalsteinn Sveinsson, oddviti (sign)
Árni Eiríksson (sign)
Elín Höskuldsdóttir (sign)
Hilda Pálmadóttir (sign)
Svanhvít Hermannsdóttir (sign)
Margrét Sigurðardóttir (sign)