Laugardaginn 13. október verða haldnir tónleikar með hljómsveitinni Dirrindí í Félagslundi.
Dirrindí var stofnuð árið 1995 af Jónasi Má Hreggviðssyni og Guðmundi Þór Jóhannessyni. Markmiðið var strax að semja og flytja frumsamda tónlist og fljótlega varð til safn úrvalskvæða um ýmis hugðarefni,vini, vandamenn og nærsveitunga. Árið 2009 voru svo öll herlegheitin gefin út á disknum, Lóan er komin.
Dirrindí leikur bæði hrynfast karlrembuskotið rokk og léttleikandi gleðitóna sem nefnast einu nafni Flóarokk. Meðlimir Dirrindí eru Jónas Már Hreggviðsson, Guðmundur Þór Jóhannesson, Sigurður Óli Kristinsson, Ingólfur Arnar Þorvaldsson og Daníel Snorrason; allir nátengdir Hraungerðishreppi hinum forna.
Húsið opnar kl. 20:30 og tónleikar hefjast kl. 21:00. Miðaverð er aðeins kr. 2.000. Nánari upplýsingar í símum 692-8565 og 691-7082.