Fundargerð 118. fundar sveitarstjórnar Flóahrepps
Fundarstaður: Þingborg
Fundardagur: Miðvikudagur 1. ágúst 2012
Fundartími: 20:00 – 22:20
Fundarmenn: Aðalsteinn Sveinsson, oddviti
Árni Eiríksson, varaoddviti
Elín Höskuldsdóttir
Hilda Pálmadóttir
Svanhvít Hermannsdóttir
Margrét Sigurðardóttir, sveitarstjóri
Aðalsteinn Sveinsson setti fund og Margrét Sigurðardóttir ritaði fundargerð.
Samþykkt að fundargerð verði rituð á tölvu sbr. 23. gr. sveitarstjórnarlaga.
Dagskrá:
- Skipulagsmál
a) Fundargerð skipulags- og byggingarnefndar uppsveita Árnessýslu og Flóahrepps
Lögð fram fundargerð skipulags- og byggingarnefndar nr. 49 dags. 25. júlí 2012.
Sveitarstjórn fjallar um liði nr. 2, nr. 33, nr. 34 og nr. 35 og staðfestir afgreiðslu nefndar.
Samþykkt með 5 atkvæðum.
b) Fundargerð stjórnar skipulags- og byggingarnefndar uppsveita Árnessýslu og Flóahrepps
Lögð fram til kynningar fundargerð stjórnar skipulags- og byggingarfulltrúaembættis uppsveita Árnessýslu og Flóahrepps bs. dags. 25. júlí 2012.
Samþykkt sem bókun með 5 atkvæðum.
c) Erindi vegna þjónustumiðstöðvar í landi Bitru
Lagður fram tölvupóstur dags. 11. júlí 2012 þar sem óskað er eftir því að breyting á aðalskipulagi í landi Bitru verði skipt í tvö mál, annars vegar vegna þjónustumiðstöðvar við Skeiðavegamót og hins vegar vegna búgarðabyggðar. Með erindi fylgir minnisblað og tölvupóstur frá Vegagerðinni vegna viðræðna á makaskipti á landi Vegagerðar og landi Bitru við Skeiðavegamót. Sveitarstjórn samþykkir að óska eftir lýsingu á breytingu aðalskipulags vegna þjónustumiðstöðvar sbr. 30. gr. skipulagslaga nr. 123/2010 með fyrirvara um að samkomulag náist milli Vegagerðar og landeiganda um makaskipti á landi.
Fyrir fundi liggja einnig umsagnir Heilbrigðiseftirlits vegna breytingar á aðalskipulagi fyrir búgarðabyggð í landi Bitru við Skeiðavegamót. Málinu frestað.
Samþykkt með 5 atkvæðum.
- Landsáætlun um meðhöndlun úrgangs 2013-2024
Lagt fram minnisblað frá Sambandi íslenskra sveitarfélaga dags. 18. júlí 2012 um drög að landsáætlun um meðhöndlun úrgangs 2013-2024.
Sveitarstjórn tekur undir athugasemdir Sambandsins.
Samþykkt með 5 atkvæðum.
- Brandshús 5
Sveitarstjórn samþykkir að auglýsa íbúð í eigu sveitarfélagsins, Brandshús 5, til sölu.
Samþykkt með 5 tilboðum.
- Trúnaðarmál
- Erindi varðandi framkvæmdaáætlun í málefnum fatlaðs fólks
Lagður fram tölvupóstur frá Velferðarráðuneyti dags. 4. júlí 2012 þar sem óskað er eftir tengilið vegna framkvæmdaáætlunar í málefnum fatlaðs fólks 2012-2014.
Málinu vísað til Velferðarnefndar Árnesþings.
Samþykkt með 5 atkvæðum.
- Erindi varðandi staðarval fyrir nýjan urðunarstað
Lagt fram til kynningar erindi dags. 18. júlí 2012 frá SORPU, Sorpurðun Vesturlands, Sorpeyðingarstöð Suðurnesja og Sorpstöð Suðurlands varðandi staðarval fyrir nýjan urðunarstað.
Samþykkt sem bókun með 5 atkvæðum.
- Fundargerðir
a) Sveitarstjórnar Flóahrepps
Fundargerð 117. fundar sveitarstjórnar lögð fram.
- Til kynningar:
a) Erindi frá sambandi íslenskra sveitarfélaga dags. 6. júlí 2012 um nýsköpun í opinberum rekstri
- Önnur mál:
a) Trúnaðarmál
b) Þjónustusvæði fatlaðra á Suðurlandi
Sveitarstjórn ræðir um skort á upplýsingum vegna sameiginlegs þjónustusvæðis Suðurlands um málefni fatlaðra.
Samþykkt með 5 atkvæðum.
Fleira ekki tekið fyrir og fundi slitið kl. 22:20
Aðalsteinn Sveinsson, oddviti (sign)
Árni Eiríksson, varaoddviti (sign)
Elín Höskuldsdóttir (sign)
Hilda Pálmadóttir (sign)
Svanhvít Hermannsdóttir (sign)
Margrét Sigurðardóttir (sign)