Ungmennafélagið Vaka mun standa fyrir gönguferð inn í Kerlingarfjöll helgina 21. -22. júlí.
Lagt verður af stað frá Þjórsárveri kl. 9:00 á laugardagsmorgni þar sem sameinast verður í bíla og keyrt að Kerlingarfjöllum. Gengið verður á laugardeginum um Hveradalina og upp á Snækoll, grillað um kvöldið og gist í tjöldum um nóttina. Síðan verður farið í stutta óvissugöngu á sunnudeginum áður en keyrt verður heim á leið. Ferðin mun kosta um 5.000 kr. en í því er innifalinn grillmatur um kvöldið, bensín- og gistikostnaður. Fólk þarf að taka með sér annað nesti til að hafa yfir daginn. Mikilvægt er að vera vel klæddur og undirbúinn undir hið besta og versta þegar kemur að veðri en miðað er við að göngugarpar séu komnir yfir fermingu. Ekki má gleyma að taka með sér sundföt þar sem á svæðinu eru heitar laugar sem gott væri að skella sér í eftir langan dag á göngu. Hægt er að lesa sér meira til um svæðið á heimasíðunni kerlingafjoll.is
Panta þarf hjá Laufeyju í síma 661- 1239 eða með því að senda póst á lae@hi.is.
Allir eru velkomnir, óháð félagi! Vonumst til að sjá sem flesta! 🙂
Umf. Vaka “