Fundargerð 114. fundar sveitarstjórnar Flóahrepps
Fundarstaður: Þingborg
Fundardagur: Miðvikudagur 4. apríl 2012
Fundartími: 20:00 – 23:30
Fundarmenn: Aðalsteinn Sveinsson, oddviti, Árni Eiríksson, Elín Höskuldsdóttir, Hilda Pálmadóttir, Svanhvít Hermannsdóttir og Margrét Sigurðardóttir, sveitarstjóri
Aðalsteinn Sveinsson setti fund og Margrét Sigurðardóttir ritaði fundargerð.
Samþykkt að fundargerð verði rituð á tölvu sbr. 23. gr. sveitarstjórnarlaga.
Á fundi liggur frammi kerfisáætlun Landsnets 2012-2016, ársskýrsla Sambands íslenskra sveitarfélaga, ársskýrsla Landmælinga Íslands, ársskýrsla Rarik, ársreikningur Egingarhaldsfélags Suðurlands hf fyrir árið 2011, ársreikningur og ársskýrsla Fræðslunets Suðurlands ses. fyrir árið 2011
Sveitarstjórn samþykkir að taka fyrir önnur mál, erindi frá Kristínu Sigurðardóttur skólastjóra Flóaskóla og trúnaðarmál.
Dagskrá:
- Skipulagsmál
a) Fundargerð skipulags- og byggingarnefndar uppsveita Árnessýslu og Flóahrepps
Lögð fram fundargerð skipulags- og byggingarnefndar nr. 45 dags. 22. mars 2012.
Sveitarstjórn fjallar um liði nr. 8, nr. 9, nr. 38, nr. 39 og nr. 40 í fundargerð.
Varðandi lið nr. 8 þá leggst sveitarstjórn ekki gegn breytingu á deiliskipulagi í Mörk úr landi Skálmholts þar sem gert verður ráð fyrir nýju vegstæði að lögheimili í Mörk og byggingu fjögurra ferðaþjónustuhúsa, ca. 50-60 m2 hvert hús.
Að öðru leyti staðfestir sveitarstjórn afgreiðslu skipulagsnefndar.
Einnig er lögð fram fundargerð afgreiðslufundar byggingarfulltrúa nr. 78 dags. 7. mars 2012. Sveitarstjórn fjallar um lið nr. 17 í fundargerð nefndarinnar og staðfestir bókun nefndar.
Samþykkt með 5 atkvæðum.
Sveitarstjórn fjallar einnig um lið nr. 18 í fundargerð nefndarinnar og staðfestir bókun nefndar.
Aðalsteinn Sveinsson víkur af fundi við afgreiðslu á lið nr. 18.
Samþykkt með 4 atkvæðum.
- Ársreikningur Flóahrepps 2011, seinni umræða
Ársreikningur Flóahrepps fyrir árið 2011 lagður fram til seinni umræðu.
Helstu niðurstöður samantektar A og B hluta eru eftirfarandi í þúsundum króna:
Rekstrartekjur 431.009
Rekstargjöld 401.570
Fjármagnsgjöld 4.664
Rekstrarniðurstaða 24.775
Eigið fé 444.385
Skuldir 143.662
Eignir 588.047
Ársreikningur samþykktur samhljóða og áritaður af sveitarstjórn.
Samþykkt með 5 atkvæðum.
- Drög að breytingum á gjaldskrá Vatnsveitu Flóahrepps
Lögð fram drög að breytingum á gjaldskrá Vatnsveitu Flóahrepps.
Breytingin gerir ráð fyrir tengigjaldi fyrir iðnaðar- og atvinnuhúsnæði og vatnsgjaldi sem innheimt er með fasteignaskatti ár hvert.
Samþykkt með 5 atkvæðum.
- Drög að breytingum á gjaldskrá félagsheimila Flóahrepps
Drög að breytingum á gjaldskrá félagsheimila Flóahrepps lögð fram.
Afgreiðslu frestað.
Samþykkt með 5 atkvæðum.
- Drög að samningum um skólaakstur fyrir skólaárið 2012-2013
Lögð fram drög að samningum um skólaakstur fyrir skólaárið 2012-2013 við núverandi skólabílstjóra.
Sveitarstjórn samþykkir fyrirliggjandi samning með breytingartillögum sem fram komu á fundi og fela sveitarstjóra að ganga frá samningi við skólabílstjóra.
Samþykkt með 5 atkvæðum.
- Erindi frá nefndasviði Alþingis
Lagt fram erindi frá nefndasviði Alþingis þar sem óskað er eftir umsögn um tímasetta áætlun um yfirfærslu heilsugæslunnar frá ríki til sveitarfélaga.
- Erindi frá Innanríkisráðuneytinu varðandi eflingu sveitarstjórnarstigsins
Lagt fram til kynningar, erindi og tillaga frá Innanríkisráðuneyti dags. 2. mars 2012 þar sem sveitarstjórnarmenn eru hvattir til að koma á framfæri athugasemdum og ábendingum varðandi tillögu að eflingu sveitarstjórnarstigs í landinu.
- Beiðni um athugasemdir við frumvarp til breytinga á lögum nr. 55/2003
Lögð fram drög að frumvarpi til laga um breytingu á lögum nr. 55/2003 dags. 2. mars 2012 um meðhöndlun úrgangs.
Sveitarstjórn tekur undir ósk Sambands íslenskra sveitarfélaga dags. 21. mars 2012 um að málinu verði gefinn sá tími sem þarf til að koma frumvarpinu í ásættanlegan búning í sátt við sveitarfélögin.
Samþykkt með 5 atkvæðum.
- Fjarvistarstjórnun
Lögð fram drög að stefnu Flóahrepps varðandi fjarvistir frá vinnu.
Sveitarstjórn samþykkir fyrirliggjandi drög með breytingartillögum sem fram komu á fundi.
Samþykkt með 5 atkvæðum.
- Drög að fjallskilasamþykkt fyrir Árnessýslu austan vatna
Lögð fram drög að fjallskilasamþykkt fyrir Árnessýslu austan vatna.
Sveitarstjórn samþykkir að fresta afgreiðslu.
Samþykkt með 5 atkvæðum.
- Erindi frá eigendum sumarhúsa í Hallanda
Lagt fram erindi frá eigendum sumarhúsa í landi Hallanda dags. 28. mars 2012 þar sem óskað er eftir niðurfellingu sorpeyðingargjalda.
Sveitarstjórn hafnar erindinu.
Samþykkt með 5 atkvæðum.
- Staða námráðgjafa við Flóaskóla
Lögð fram greinargerð frá Kristínu Sigurðardóttur skólastjóra Flóaskóla dags. 28.mars 2012 vegna stöðu námsráðgjafa.
Sveitarstjórn samþykkir beiðni skólastjóra um starfshlutfall náms- og starfsráðgjafa og felur skólastjóra að leita hagkvæmustu leiða við ráðningu í starfið.
Samþykkt með 5 atkvæðum.
- Vorhreinsunarátak
Sveitarstjórn samþykkir að fara í vorhreinsunarátak.
Samþykkt með 5 atkvæðum.
- Lokun skrifstofu vegna sumarleyfa starfsmanna
Sveitarstjórn samþykkir lokun skrifstofu vegna sumarleyfa starfsmanna frá 9.júlí til 20. júlí.
Samþykkt með 5 atkvæðum.
- Flóðgátt
Rætt um viðburð í tengslum við framkvæmdir við veglagningu að Flóðgáttinni.
- Trúnaðarmál
- Fundargerðir
a) Sveitarstjórnar Flóahrepps
Fundargerð sveitarstjórnar Flóahrepps dags. 21. mars 2012 lögð fram.
b) Velferðarnefndar
Fundargerð Velferðarnefndar dags. 18. janúar 2012 lögð fram.
c) Rekstrarstjórnar
Fundargerð rekstrarstjórnar dags. 12. mars 2012 lögð fram.
- Til kynningar:
a) 454. fundur SASS dags. 9. mars 2012
b) 213. fundur Sorpstöðvar Suðurlands dags. 6. mars 2012
c) 306. fundur Atvinnuþróunarfélags Suðurlands dags. 5. mars 2012 ásamt minnisblaði
d) Aðalfundur Eignarhaldsfélags Suðurlands dags. 22. mars 2012
e) Erindi frá Húsafriðunarnefnd dags. 16. mars 2012
f) Erindi frá Iðnaðarráðuneyti dags. 23. mars 2012
- Önnur mál:
a) Erindi frá skólastjóra Flóaskóla
Lagt fram erindi frá skólastjóra Flóaskóla, Kristínu Sigurðardóttur, dags. 3. apríl 2012 þar sem hún óskar eftir launalausu leyfi frá störfum sínum í eitt skólaár eða frá 1. ágúst 2012 til 21. júlí 2013.
Sveitarstjórn samþykkir fyrirliggjandi beiðni.
Sveitarstjórn samþykkir einnig að óska eftir aðstoð ráðningarfyrirtækis við ráðningu á skólastjóra í afleysingum.
Samþykkt með 5 atkvæðum.
b) Trúnaðarmál
Fleira ekki tekið fyrir og fundi slitið kl. 23:30
Aðalsteinn Sveinsson, oddviti (sign)
Árni Eiríksson, varaoddviti (sign)
Elín Höskuldsdóttir (sign)
Hilda Pálmadóttir (sign)
Svanhvít Hermannsdóttir (sign)
Margrét Sigurðardóttir (sign)