Fræðslunefnd Flóahrepps stóð fyrir íbúafundi þann 17. febrúar s.l. Fundurinn var haldinn til að fá hugmyndir og álit þeirra sem byggja upp samfélagið á því hvernig húsnæðismálum leikskólans verður best hagað til framtíðar litið.Dreifibréf var sent á hvert heimili í sveitarfélaginu með nokkrum spurningum til undirbúnings fyrir fundinn. Um fjörutíu manns mætti á fundinn og var fundargestum skipt í hópa þar sem spurningarnar voru ræddar. Fræðslunefnd mun á næstunni vinna úr þeirri umræðu sem fram fór á fundinum.