Fundargerð 89. fundar sveitarstjórnar Flóahrepps
Fundarstaður: Þingborg
Fundardagur: Miðvikudagur 6. október 2010
Fundartími: 20:00 – 00:40
Fundarmenn: Aðalsteinn Sveinsson, oddviti
Árni Eiríksson
Elín Höskuldsdóttir
Hilda Pálmadóttir
Svanhvít Hermannsdóttir
Margrét Sigurðardóttir, sveitarstjóri
Aðalsteinn Sveinsson setti fund og Margrét Sigurðardóttir ritaði fundargerð.
Samþykkt að fundargerð verði rituð á tölvu sbr. 23. gr. sveitarstjórnarlaga.
Sveitarstjórn samþykkir að taka fyrir önnur mál.
Gestur fundarins er Pétur Ingi Haraldsson, skipulagsfulltrúi uppsveita Árnessýslu og Flóahrepps.
Dagskrá:
- Skipulagsmál
a) Tillaga að deiliskipulagi fyrir Versali
Pétur Ingi Haraldsson kynnti feril skipulagsmála varðandi Versali (190822), 9,6 ha spildu við Langholtsveg þar sem fyrirhugað er að reisa minkabú í um 3.600 m2 húsum. Einnig var lagt fram bréf frá eigendum Versala í Flóahreppi dags. 28. september 2010 þar sem kynnt eru sjónarmið eigenda. Jafnframt var lagt fram bréf frá JÁS lögmönnum fyrir hönd eigenda Versala dags. 25. ágúst 2010 þar sem krafa er gerð til sveitarstjórnar að hún auglýsi deiliskipulagstillögu Versala. Á fundi skipulags- og byggingarnefndar uppsveita Árnessýslu þann 28. júní 2010 var því synjað að auglýsa deiliskipulagstillögu vegna Versala, með vísan til þess að fyrirliggjandi tillaga fæli í sér kvaðir á aðliggjandi land, sbr. fyrirmæli 24. gr. reglugerðar nr. 941/2002, nema til kæmi samkomulag við þann landeiganda, sem kvöðin myndi leggjast á. Afgreiðsla skipulags- og byggingarnefndar var staðfest á fundi sveitarstjórnar þann 7. júlí 2010. Að mati sveitarstjórnar er ekki ástæða til að endurskoða þá ákvörðun.
Fyrir fundi liggur hugmynd frá eigendum Laugardæla um hugsanleg skipti á landi.
Fulltrúar sveitarstjórnar ásamt skipulagsfulltrúa munu boða til fundar sem fyrst með hlutaðeigandi aðilum til að ræða um fyrirliggjandi hugmyndir.
Samþykkt með fimm atkvæðum.
b) Aðalskipulag Flóahrepps, dómur 17. september 2010
Lagt fram til kynningar, dómur dags. 17. september 2010 í máli Flóahrepps gegn íslenska ríkinu.
c) Fundargerð Skipulags- og byggingarnefndar uppsveita Árnessýslu og Flóahrepps
Lögð fram fundargerð skipulags- og byggingarnefndar uppsveita Árnessýslu og Flóa dags. 23. september 2010 ásamt afgreiðslufundum byggingarfulltrúa dags.18. ágúst, 1. september og 15. september 2010.
Sveitarstjórn fjallar um liði nr. 4, 5 og 38 í fundargerð skipulags- og byggingarnefndar. Afgreiðsla nefndarinnar á máli nr. 4 og 38 er staðfest en varðandi mál nr. 5, afgreiðslufundir byggingarfulltrúa nr. 52 dags. 15. september, mál nr. 16, niðurrif á húsi í landi Þjótanda, frestar sveitarstjórn afgreiðslu á málinu. Einnig er greinilegt að mistök hafa orðið í bókun á lið nr. 14. Þar eiga stærðir að vera 280,2 m2 og 826,6 m3. Að öðru leyti er liður nr. 5 staðfestur.
Samþykkt með fimm atkvæðum.
Pétur Ingi yfirgefur fund.
d) Yrpuholt
Lagt fram erindi, ódagsett, frá Þóri Haraldssyni þar sem óskað er eftir að fá hluta Yrpuholts til leigu til áramóta fyrir hrossabeit.
Einnig lagt fram erindi frá stjórn hrossaræktardeildar Villingaholtshrepps dags. 4. október 2010 þar sem óskað er eftir viðræðum um afnot félagsins af sama landi.
Sveitarstjórn samþykkir að fela sveitarstjóra að leita samninga við Þóri til áramóta um leigu á landinu. Samþykkt með fjórum atkvæðum. Svanhvít Hermannsdóttir situr hjá við afgreiðslu.
Sveitarstjórn samþykkir einnig að kanna möguleika þess að selja landið og frestar afgreiðslu á erindi hrossaræktardeildar.
Samþykkt með fimm atkvæðum.
e) Erindi frá Skipulagsstofnun
Lagt fram erindi frá Skipulagsstofnun dags. 10. september 2010 um nýja skipulagsreglugerð.
Sveitarstjórn samþykkir að vísa erindinu til skipulagsfulltrúa.
Samþykkt með fimm atkvæðum.
- Undirbúningur fjárhagsáætlunar
Lögð fram til kynningar drög að fjárhagsáætlun fyrir leik- og grunnskóla.
Samþykkt með fimm atkvæðum.
- Afgreiðsla Vegagerðar á styrkumsóknum
Flóahreppi hefur verið úthlutað kr. 1.200.000 frá Vegagerðinni til endurbóta á vegi að Austur-Meðalholtum. Einnig hefur sveitarfélagið ásamt Flóaáveitu fengið úthlutað kr. 2.500.000 til endurbóta á vegi að Flóðgátt. Kostnaðaráætlun sem unnin var vegna framkvæmda við endurbætur á núverandi slóða og gerð snúningsplans er mun hærri en sem nemur styrkúthlutun.
Sveitarstjórn samþykkir að láta vinna að endurbótum á vegi að Flóðgátt fyrir þá upphæð sem úthlutað var frá Vegagerð á þessu ári og sækja aftur um styrk á næsta ári til áframhaldandi framkvæmda.
Samþykkt með fimm atkvæðum.
- Erindi frá reiðveganefnd Sleipnis
Á fundi sveitarstjórnar Flóahrepps þann 1. september 2010 var óskað eftir upplýsingum frá reiðveganefnd Sleipnis áður en ákvörðun um fjárframlag til reiðvegagerðar yrði tekin.
Fyrir fundi liggur nú kostnaðaráætlun frá reiðveganefnd ásamt uppdrætti af fyrirhugaðri reiðleið.
Sveitarstjórn samþykkir að gert verði ráð fyrir kr. 2.000.000 á fjárhagsáætlun ársins 2011 í reiðvegaframkvæmdir að því gefnu að samningar hafi náðst við þá landeigendur sem málið varðar.
Samþykkt með fimm atkvæðum.
- Oddgeirshólavegur
Sveitarstjórn leggur áherslu á að bundið slitlag verði sett á Oddgeirshólaveg en vegurinn hefur verið í óviðunandi ástandi um langan tíma. Slys og óhöpp hafa orðið á veginum vegna lélegs ásigkomulags og lítils viðhalds. Við svo búið er ekki hægt að una og vonast sveitarstjórn til að vegurinn verði lagfærður með varanlegum aðgerðum sem allra fyrst.
Sveitarstjórn bendir einnig á lélegt ástand annarra tengivega í sveitarfélaginu og óskar eftir aðgerðum varðandi þá.
Samþykkt með fimm atkvæðum.
- Æskulýðsnefnd
Rætt um æskulýðsnefndir og hugsanleg verkefni þeirra.Samþykkt að fresta umræðu til næsta fundar.
Samþykkt með fimm atkvæðum.
- Beiðni um námsvistun barns utan lögheimilis
Tekin fyrir beiðni um námsvistun barns í Flóaskóla með lögheimili í Hveragerði. Sveitarstjórn samþykkir beiðnina sbr. 5. gr. laga nr. 91/2008 með fyrirvara um að greitt verði með nemenda samkvæmt viðmiðunargjaldskrá Sambands íslenskra sveitarfélaga og að allur annar kostnaður sem kann að falla til til vegna skólavistunar nemendans verði greiddur af lögheimilissveitarfélagi.
Samþykkt að vísa málinu til kynningar hjá fræðslunefnd og skólastjóra.
Samþykkt með fimm atkvæðum.
- Erindi frá Héraðssambandinu Skarphéðni
Lagt fram erindi frá Héraðssambandinu Skarphéðni dags. 7. september 2010 þar sem óskað er eftir því að sveitarfélög á Suðurlandi kaupi bók sem gefin verður út í tilefni af 100 ára afmæli sambandsins.
Sveitarstjórn samþykkir að kaupa þrjár bækur.
Samþykkt með fimm atkvæðum.
- Erindi frá félagi Tónlistarskólakennara
Lagt fram erindi frá félagi Tónlistarskólakennara dags. 22. september 2010. Í erindinu er óskað eftir tilnefningum sveitarfélaga í fagráð tónlistarskóla.
Erindi vísað til Héraðsnefndar Árnesinga.
Samþykkt með fimm atkvæðum.
- Erindi vegna listamannalauna
Lagt fram til kynningar, bréf til stjórnar listamannalauna frá sveitarstjóra og menningarfulltrúa Suðurlands dags. 27. september 2010. Í bréfinu er óskað eftir því að Sigríður Jóna Kristjánsdóttir, Sigga á Grund, tréskurðarkona fái listamannalaun til að veita henni svigrúm til að geta lokið við smíði gangtegunda íslenska hestins og fleiri verka. Sigríður hefur í mörg ár sótt um listamannalaun en ætíð fengið synjun.
Sveitarstjórn áréttar efni bréfsins.
Samþykkt með fimm atkvæðum.
- Fundargerðir
a) Sveitarstjórnar Flóahrepps
Fundargerð sveitarstjórnar dags. 1. september 2010 lögð fram.
b) Fræðslunefndar ásamt erindisbréfi nefndar
Fundargerð fræðslunefndar dags. 16. september 2010 lögð fram. Sveitarstjórn staðfestir erindisbréf fræðslunefndar. Sveitarstjórn staðfestir einnig bókun fræðslunefndar um að stöðugildi stuðningsfulltrúa verði aukið um 75% í Flóaskóla.
Samþykkt með fimm atkvæðum.
c) Atvinnu- og umhverfisnefndar
Fundargerð atvinnu- og umhverfisnefndar Flóahrepps dags. 26. ágúst 2010 lögð fram.
d) Félagsmálanefndar
Fundargerðir félagsmálanefndar uppsveita Árnessýslu og Flóahrepps dags. 24. ágúst og 1. september 2010 lagðar fram.
e) Afréttarmálafélags Flóa- og Skeiða ásamt ársreikningi og fjárhagsáætlun
Fundargerð Afréttarmálafélags Flóa og Skeiða dags. 28. apríl 2010 lögð fram ásamt reikningum félagsins fyrir árið 2009 og fjárhagsáætlun fyrir árið 2010.
Sveitarstjórn samþykkir fyrirliggjandi fundargerð, reikninga og fjárhagsáætlun.
Samþykkt með fimm atkvæðum.
f) Vinnuhóps um framkvæmdir við Flóaskóla
Fundargerð vinnuhóps um framkvæmdir við Flóaskóla dags. 4. október 2010 lögð fram.
g) Samráðsnefndar um vatnsveituframkvæmdir
Fundargerð samráðsfundar um vatnsveituframkvæmdir dags. 16. september 2010 lögð fram.
- Til kynningar:
a) 436. og 437. fundur SASS dags. 12. september og 22. september 2010
b) 41. aðalfundur SASS dags. 13. – 14. september 2010
c) 128. fundur Heilbrigðisnefndar Suðurlands dags. 19. ágúst 2010
d) 123. fundur Skólaskrifstofu Suðurlands dags. 24. ágúst 2010
e) 85. og 86. fundur Brunavarna Árnessýslu dags. 14. júlí og 13. september 2010
f) Erindi frá Velferðarvaktinni dags. 1. september 2010
g) Samantekt formanns verkefnisstjórnar vegna skýrslu Ríkisendurskoðunar um þjónustu við fatlaða
h) Greinargerð um málefni fatlaðra í kjölfar skýrslu Ríkisendurskoðunar
i) Erindi frá Jöfnunarsjóði dags. 22. september 2010
j) Erindi frá Samgöngu- og sveitarstjórnarráðuneyti dags. 24. september 2010
k) Erindi vegna kosninga til stjórnlagaþings 27. nóvember 2010
- Önnur mál:
a) Erindi frá Guðrúnu Jónsdóttur, skólabílstjóra
Lagt fram erindi frá Guðrúnu Jónsdóttur, skólabílstjóra, dags. 22. september 2010. Í erindi er óskað eftir upplýsingum um aukaakstur sem verður hugsanlega í boði á vegum Flóaskóla.
Sveitarstjórn hefur því miður ekki tök á að veita umbeðnar upplýsingar þar sem þær liggja ekki fyrir að svo stöddu.
Samþykkt með fimm atkvæðum.
Fleira ekki tekið fyrir og fundi slitið kl. 00:40
Aðalsteinn Sveinsson, oddviti (sign)
Árni Eiríksson, varaoddviti (sign)
Elín Höskuldsdóttir, (sign)
Hilda Pálmadóttir, (sign)
Svanhvít Hermannsdóttir, (sign)
Margrét Sigurðardóttir, (sign)