Boðaður hefur verið opin íbúafundur í Flóahreppi næstkomandi laugardag kl. 14:00 í Þjórsárveri.
Á fundinum verður fjallað um umhverfis og skipulagsmál, öflun neysluvatns fyrir Flóann og náttúruvernd.
Framsögu á fundinum hafa umhverfisráðherra, Svandís Svavarsdóttir, Árni Hjartarson frá Ísor og Bergur Sigurðsson fulltrúi Náttúruverndarsamtaka Suðurlands.
Ráðherrann mun fjalla um „Umhverfi, skipulagsmál og framtíðarsýn í Flóa“ en eins og kunnugt er hefur sveitastjórn kært umhverfisráðherra fyrir að samþykkja ekki aðalskipulag fyrrum Villingaholtshrepps .
Þá mun Árni Hjartarson fjalla um „Grunnvatn í Flóa og möguleika á neysluvatni“ .
Neysluvatnsmál í Flóahreppi eru í vægast sagt slæmu ástandi og í þurrkum verðu jafnvel skortur á vatni. Árni mun gera grein fyrir hugsanlegum möguleikum til vatnsöflunar.
Það verður því fróðlegt að heyra hvort möguleiki sé fyrir Flóahrepp að verða sjálfum sér nógur um neysluvatn.
Mikil matvælaframleiðsla er í Flóanum og því er krafan um öruggt og gott neysluvatn eðlileg og sanngjörn.
Þá mun Bergur Sigurðsson fulltrúi Náttúruverndasamtaka Suðurlands fjalla um
„Virkjanir og sjálfbær þróun“
Að loknum framsöguerindum og kaffihlé, munu svo frummælendur sitja fyrir svörum og taka þátt í almennum umræðum um málefni fundarins
Kvennfélag Villingaholtshrepps verður með veitingasölu á fundinum.
Fundurinn er öllum opin meðan húsrúm leyfir.
Fundaboðendur er Gaulverjar ehf. sem er ferðaþjónustufyrirtæki í Flóahreppi og Náttúruverndarsamtök Suðurlands.