Fundargerð 63. fundar sveitarstjórnar Flóahrepps
Fundarstaður: Þingborg
Fundardagur: Miðvikudagur 16. apríl 2009
Fundartími: 20:30 – 00:30
Fundarmenn: Aðalsteinn Sveinsson, oddviti
Jóhannes Hr. Símonarson
Björgvin Njáll Ingólfsson
Guðmundur Stefánsson
Valdimar Guðjónsson
Einar Helgi Haraldsson
Hulda Krisjánsdóttir
Margrét Sigurðardóttir, sveitarstjóri
Aðalsteinn Sveinsson stjórnaði fundi og Margrét Sigurðardóttir ritaði fundargerð.
Samþykkt að fundargerð verði rituð á tölvu sbr. 23. gr. sveitarstjórnarlaga.
Gestir fundarins eru Margrét Katrín Erlingsdóttir, formaður stjórnar og fulltrúaráðs Brunavarna Árnessýslu og Kristján Einarsson slökkviliðsstjóri.
Samþykkt að taka fyrir önnur mál.
Dagskrá:
- Kynning á Brunavörnum Árnessýslu
Margrét Katrín Erlingsdóttir og Kristján Einarsson kynna Brunavarnir Árnessýslu fyrir sveitarstjórn.
Sveitarstjórn þakkar þeim fyrir greinargóða kynningu.
- Ársreikningur Flóahrepps 2008
Ársreikningur Flóahrepps fyrir árið 2008 lagður fram til seinni umræðu.
Helstu niðurstöður samantektar A og B hluta eru eftirfarandi:
Rekstrartekjur kr. 378.624.667
Rekstrargjöld kr. 343.712.660
Fjármagnsgjöld umfram fjármunatekjur kr. 2.639.624
Rekstrarniðurstaða kr. 32.272.383
Eigið fé kr. 348.779.207
Skuldir kr. 152.588.867
Eignir kr. 501.368.074
Ársreikningur samþykktur samhljóða og áritaður af sveitarstjórn.
- Kjörskrá vegna Alþingiskosninga
Lögð fram kjörskrá vegna Alþingiskosninga 25. apríl 2009.
Kjörskrá mun liggja frammi á skrifstofu Flóahrepps samkv. 26. gr. laga um kosningar til Alþingis nr. 24/2000 með síðari breytingum.
- Skólamál
Fundur var haldinn með sveitarstjórn, fræðslunefnd og stýrihóp um hugsanlega uppbyggingu skóla 14. apríl s.l.
Niðurstaða fundar var að æskilegt væri að fara í framkvæmdir við viðbyggingu skóla.
Fyrirliggjandi er svokölluð tillaga 2 sem er útkoma þarfagreiningar og vinnu stýrihóps og verkfræðistofu. Tillagan gerir ráð fyrir 980 fm viðbyggingu.
Fyrir fundi liggur einnig erindi frá fræðslunefnd Flóahrepps þar sem skorað er á sveitarstjórn að flýta ákvörðun um áframhaldandi uppbyggingu skólamannvirkja við Flóaskóla.
Sveitarstjórn samþykkir að láta hanna viðbyggingu við Flóaskóla og auglýsa eftir verðhugmyndum um hönnunarkostnað sbr. skýrslu um þarfagreiningu frá Verkís dags. janúar 2009 og sbr. tillögu 2.
Sveitarstjórn ræddi einnig um skólaakstur vegna breytts fyrirkomulags í kennslu næsta skólaár og samþykkti að fela oddvita og sveitarstjóra að ræða við núverandi verktaka um áframhaldandi skólaakstur.
- Refaveiðar
Sveitarstjórn samþykkir að óska eftir endurnýjun samnings um grenjaleit við Birgi Örn Arnarson á árinu.
- Verklagsreglur um val á umhverfisverðlaunum
Lagðar fram tillögur að verklagsreglum um val á umhverfisverðlaunum í Flóahreppi frá umhverfisnefnd sveitarfélagsins.
Sveitarstjórn samþykkir fyrirliggjandi tillögur með eftirfarandi viðbót:
Að umhverfisnefnd óski eftir tillögum stjórna ungmenna- kven- og búnaðarfélaga sveitarfélagsins.
Einnig er samþykkt að síðasta málsgrein um tilhögun og framkvæmd falli niður ásamt lokakaflanum um kostnað.
- Fundargerðir:
a) Sveitarstjórnar
Fundargerð sveitarstjórnar dags. 1. apríl 2009 lögð fram. Varðandi lið 11 b) styrkbeiðni, þá vantar í bókun að geta þess að Einar Haraldsson vék af fundi við afgreiðslu máls.
- Til kynningar:
a) 283. fundur Atvinnuþróunarfélags Suðurlands dags. 1. apríl 2009
b) 73. og 74. fundur fulltrúaráðs Brunavarna Árnessýslu dags. 23. mars og 25. mars 2009
c) Aðalfundur Eignarhaldsfélas Suðurlands fyrir árið 2008 dags. 31. mars 2009
- Önnur mál
a) Samgönguráðuneytið
Lagt fram erindi frá samgönguráðuneyti dags. 14. apríl 2009 þar sem óskað er eftir upplýsingum vegna endurupptöku stjórnsýslukæru á hendur sveitarfélaginu.
Sveitarstjórn samþykkir að fela lögfræðingi að svara erindinu.
b) Skipulagsmál Árborg
Tekin fyrir tillaga frá skipulags- og byggingardeild Árborgar að breytingu á aðal- og deiliskipulagi Merkilandstúns sbr. 17. gr. skipulags- og byggingarlaga en umrætt skipulagssvæði liggur að mörkum Flóahrepps.
Sveitarstjórn gerir ekki athugasemdir við fyrirliggjandi tillögu.
c) Langholtsvegur
Lagt fram til kynningar erindi frá Vegagerð dags. 15. apríl 2009 þar sem óskað er eftir samráði og leitað álits sveitarstjórnar Flóahrepps um uppbyggingu Langholtsvegar með tilliti til flóða úr Hvítá.
Sveitarstjórn fagnar því að undirbúningur útboðs á Langholtsvegi sé í vinnslu og treystir því að farið verði í framkvæmdir hið fyrsta og lýsir sig fúsa til samráðs.
d) Fundartími íbúafundar
Sveitarstjórn samþykkir að halda íbúafund um uppbyggingu í skólamálum og um staðardagskrá 21, 13. maí n.k.
e) Gaulverjaskóli
Lagður fram til kynningar tölvupóstur frá eigendum Gaulverjaskóla vegna skemmda á smíðaskúr.
f) Átaksverkefni um merkingu rotþróa
Lagt fram erindi frá Verkfræðistofu Suðurlands dags. 16. apríl 2009 þar sem boðið er upp á skráningu rotþróa í sveitarfélaginu.
Sveitarstjórn samþykkir að hafna erindinu.
g) Styrkbeiðni
Lagt fram erindi frá nemanda í Kvikmyndaskóla Íslands dags. 16. apríl 2009 þar sem óskað er eftir styrk vegna lokaverkefnis.
Sveitarstjórn sér ekki færi á að verða við erindinu.
Fleira ekki tekið fyrir og fundi slitið kl. 00:30
Aðalsteinn Sveinsson, oddviti (sign)
Jóhannes Hr. Símonarson (sign)
Björgvin Njáll Ingólfsson (sign)
Guðmundur Stefánsson (sign)
Valdimar Guðjónsson (sign)
Einar Helgi Haraldsson (sign)
Hulda Kristjánsdóttir (sign)
Margrét Sigurðardóttir, sveitarstjóri (sign)