Sveitarstjórn Flóahrepps hefur samþykkt fjárhagsáætlun sveitarfélagsins fyrir árið 2009.
Áætlunin gerir ráð fyrir eftirfarandi í þús. kr.:
Rekstrargjöld kr. 336.932
Rekstrarniðurstaða fyrir A og B hluta er neikvæð um kr. 13.606
Heildarfjárfesting er áætluð kr. 30.750.
Sveitarstjórn samþykkti að endurskoða fjárhagsáætlun þegar ársreikningur fyrir árið 2008 liggur fyrir.
Forsendur við undirbúning fjárhagsáætlunar voru þær að álagning fasteignagjalda yrði óbreytt frá fyrra ári utan sorphirðugjöld fyrir almennt sorp sem fer til urðunar. Þau hækka fyrir 660 ltr og 1.100 ltr kör en óbreytt verð verður fyrir 240 ltr. tunnu. Þessi hækkun er tilkomin vegna breytinga á fyrirkomulagi sorphirðu og sorpeyðingu en jafnframt hefur verið erfitt að láta þennan málaflokk standa undir sér og sveitarfélagið hefur greitt talsverðar upphæðir á hverju ári með hreinsun og urðun sorps.
Útsvarsprósenta hækkar frá fyrra ári og verður 13,28% af útsvarsstofni en Alþingi samþykkti þann 20. desember sl. lög um ráðstafanir í ríkisfjármálum sem fela meðal annars í sér hækkun hámarksútsvars um 0,25 prósentustig, þ.e. úr 13,03% af útsvarsstofni í 13,28%, sbr. 3. gr. laganna.
Flóahreppur er háður framlögum frá Jöfnunarsjóði en sjóðurinn hefur heimild til að lækka framlög þeirra sveitarfélaga sem ekki fullnýta tekjustofna.
Í áætlun var gert ráð fyrir 5% lækkun útsvars, óbreyttum fasteignaskatti og lóðarleigu og að fjármagnsgjöld hækki um 10%.
Rekstrarkostnaði verður haldið í lágmarki árið 2009 og reynt eftir fremsta megni að leita leiða til að skera niður kostnað.
Gert verður ráð fyrir 5% samningsbundnum hækkunum launa og 0,5% hækkun mótframlags í A-deild LSS.
Gert er ráð fyrir lágmarksviðhaldi fasteigna á árinu en kappkostað að ljúka því sem eftir var af áætlaðri viðhaldsvinnu fasteigna sveitarfélagsins 2008.
Einnig var samþykkt að láta tæma rotþrær við heimili og stofnanir í sveitarfélaginu á þriggja ára fresti frá og með árinu 2009.
Gjaldskrá er ætlað að taka mið af raunkostnaði við losun rotþróa og skiptist í þrjár greiðslur á þremur árum fyrir eina losun. Fengið var tilboð í losun frá viðurkenndum verktaka en einnigþarf að greiða fyrir urðun seyru.
Greiðsla á hverju ári er 7.000 kr. eða 21.000 kr. heildargjald fyrir hverja losun samkvæmt samþykkt sveitarstjórnar frá 21. janúar s.l.