Auglýsing um skipulagsmál

Í UPPSVEITUM ÁRNESSÝSLU OG FLÓAHREPPI
Bláskógabyggð,Grímsnes-og Grafningshreppi,Hrunamannahreppi, Skeiða-og Gnúpverjahreppi og Flóahreppi

Samkvæmt 1.mgr 21.gr. skipulags-og byggingarlaga nr. 73 1997 er hér með auglýst eftir athugasemdum við eftirfarandi aðalskipulagsbreytingu:

1 Bláskógabyggð. Holtakot (Sóltún) í Biskupstungum

Tillaga að breytingu á Aðalskipulagi Biskupstungnahrepps 2002-2012 í landi Holtakots. Í breytingunnui felst að gert er ráð fyrir um 0,5 ha frístundahúsalóð á svæði sem áður var skilgreint sem landbúnaðarsvæði.

2 Flóahreppur. Greinargerð aðalskipulags fyrrum Hraungerðishrepps.

Tillaga að breytingu á greinargerð Aðalskipulags Hraungerðishrepps 2003-2015. Breytingin er gerð til að samræma ákvæði aðalskipulags fyrrum Hraungerðishrepps, Gaulverjabæjarhrepps og Villingaholtshrepps þannig að sömu skilmálar gildi fyrir allt svæði innan Flóahrepps. Í tillögunni eru m.a. breytingar á ákvæðum varðandi stök íbúðar- og frístundahús á landbúnaðarsvæðum, skilgreining á hámarksstærðum frístunda- og íbúðarhúsasvæða í dreifbýli auk ákvæða um stærðir lóða og nýtingarhlutfall.

3 Flóahreppur. Greinargerð aðalskipulags fyrrum Gaulverjabæjarhrepps.

Tillaga að breytingu á greinargerð Aðalskipulags Gaulverjabæjarhrepps 2003-2015. Breytingin er gerð til að samræma ákvæði aðalskipulags fyrrum Hraungerðishrepps, Gaulverjabæjarhrepps og Villingaholtshrepps þannig að sömu skilmálar gildi fyrir allt svæði innan Flóahrepps. Í tillögunni eru m.a. breytingar á ákvæðum varðandi stök íbúðar- og frístundahús á landbúnaðarsvæðum, skilgreining á hámarksstærðum frístunda- og íbúðarhúsasvæða í dreifbýli auk ákvæða um stærðir lóða og nýtingarhlutfall.

4 Flóahreppur. Ölvisholt í fyrrum Hraungerðishreppi.

Tillaga að breytingu á Aðalskipulagi Hraungerðishrepps 2003-2015 í landi Ölvisholt. Í breytingunni felst að um 32 ha svæði vestan Ölvisholtsvegar, milli Ölvisholts og Miklaholtshelli, breytist úr svæði fyrir frístundabyggð í landbúnaðarsvæði.

5 Flóahreppur. Bitra í fyrrum Hraungerðishreppi.

Tillaga að breytingu á Aðalskipulagi Hraungerðishrepps 2003-2015 í landi Bitru. Í breytingunni felst að á um 76 ha svæði meðfram Suðurlandsvegi breytist landnotkun úr landbúnaðarsvæði í opið svæði til sérstakra nota sem fyrirhugað er að nýta undir 18 holu golfvöll. Þá breytist afmörkun svæða fyrir frístundabyggð innan jarðarinnar án þess að hafa áhrif á stærð þeirra sem er um 67 ha.

Samkvæmt 1.mgr. 25.gr. skipulags-og byggingarlaga nr. 73 1997 er hér með auglýst eftir athugasemdum við eftirfarandi deiliskipulagstillögur:

6 Lækjarhvammur í Bláskógabygggð. Frístundahúsalóð við Grafará

Tillaga að deiliskipulagi 5.086 fm frístundahúsalóðar úr landi Lækjarhvamms við Grafará. Lóðin kemur í framhaldi af 5 eldri lóðum við Grafará, norðanmegin, og nýtir sama veg og þær frá Laugardalsvegi. Gert er ráð fyrir að nýtingarhlutfall lóðarinnar sé 0.03.

7 Seyðishólar Grímsnes- og Grafningshreppi. Deiliskipulag iðnaðarlóðar/gámasvæðis.

Tillaga að deiliskipulagi iðnaðarlóðar við Seyðishóla, svæði sem nýtt hefur verið sem gámasvæði í nokkur ár. Í tillögunni er auk gámasvæðis gert ráð fyrir byggingarreit fyrir aðstöðuhús starfsmanns auk þess sem afmörkuð er 7.900 fm iðnaðarlóð norðan núverandi gámasvæðis. Á iðnaðarlóðinni er gert ráð fyrir að heimilt verði að reisa allt að 1.200 fm aðstöðuhús/ vélageymslu og á byggingarreit á gámasvæði er gert ráð fyrir allt að 400 fm aðstöðuhúsi/vélageymslu.

8 Nesjar í Grímsnes- og Grafningshreppi. Deiliskipulag tveggja frístundahúsalóða.

Tillaga að deiliskipulagi tveggja frístundahúsalóða úr landi Nesja. Svæðið liggur á milli Grafningsvegar og vesturhluta Hestvíkur og er þar gert ráð fyrir 1,7 og 2,6 ha frístundahúsalóðum þar sem heimilt verður að reisa 50 – 300 fm frístundahús og allt að 40 fm aukahús. Byggingarreitir eru í um 70-100 m frá Þingvallavatni.

9 Efra-Sel í Hrunamannahreppi. Sléttabygð, deiliskipulag frístundabyggðar.

Tillaga að deiliskipulagi 7 lóða frístundabyggðar sem kallast Sléttubyggð. Skipulagssvæðið er 4,2 ha að stærð og liggur upp að frístundabyggðinni Svanabyggð að norðanverðu. Lóðirnar eru allar rúmleg 0,5 að stærð og er gert ráð fyrir að heimilt verði að reisa frístundahús og aukahús, samtals allt að 150 fm. Hámarksstærð aukahúss er þó 30 fm. Allar lóðirnar tengjast sameiginlegri rotþró.

10 Ásabyggð í Hrunamannahreppi. Sléttabygð, deiliskipulag frístundabyggðar.

Tillaga að deiliskipulagi frístundabyggðarinnar Ásabyggð við Flúðir. Um er að ræða fullbyggt hverfi þar sem ekki hefur verið í gildi fomlegt deiliskipulag. Fyrir liggur skipulagsuppdráttur frá 1985 en með nýju skipulagi eru lóðirnar teiknaðar upp á nýtt eins nákvæmlega og hægt er, en með ákveðnum skekkjum þó. Með skipulaginu er gert ráð fyrir að heimilt verði að byggja 110 fm frístundahús í stað 50 fm eins og áður var gert ráð fyrir.

11 Álfsstaðir í Skeiða- og Gnúpverjahreppi. Deiliskipulag frístundabyggðar við Engjaveg.

Tillaga að deiliskipulagi frístundabyggðar á um 19 ha spildu úr landi Álfsstaða, austan og suðvestan við eldri frístundabyggð upp við Álfsstaðaveg. Gert er ráð fyrir 5 um 0,9 ha frístundahúsalóðum auk einnar 2,3 ha lóðar. Heimilt verður að reisa allt að 200 fm frístundahús á hverri lóð ásamt allt að 40 fm aukahúsi. Þá er einnig gert ráð fyrir 3 litlum lóðum fyrir allt að 80 fm hesthús.

12 Skálmholt, Krækishólar, í Flóahreppi. Deiliskipulag frístundalóða.

Tillaga að deiliskipulagi þriggja frístundahúsalóða á um 2 ha spildu úr landi Skálmholts. Svæðið liggur upp að áður deiliskipulögðu svæði úr landi Skálmholts sem kallast Merkurhraun, að austanverðu.

Skipulagstillögurnar liggja frammi á skrifstofu viðkomandi sveitarfélags og hjá embætti skipulagsfulltrúa uppsveita Árnessýslu, Dalbraut 12, Laugarvatni á skrifstofutíma frá 23. október til 20. nóvember 2008. Að auki er hægt að nálgast tillögurnar á vefslóðinni http://www.sveitir.is/skipulagsfulltrui/auglysingar/ Athugasemdum við skipulagstillöguna skulu berast til skipulagsfulltrúa uppsveita Árnessýslu í síðasta lagi 4. desember 2008 og skulu þær vera skriflegar. Hver sá sem ekki gerir athugasemdir við tillöguna innan tilskilins frests, telst vera samþykkur henni.

Pétur Ingi Haraldsson

Skipulagsfulltrúi uppsveita Árnessýslu og Flóahrepps