Tímabundin þjónustumiðstöð

Ríkisstjórnin samþykkti á fundi í morgun, 30. maí, tillögu dóms-og kirkjumálaráðherra, um að almannavarnadeild ríkislögreglustjóra kæmi á laggirnar í samráði við dóms-og kirkjumálaráðuneytið tímabundinni þjónustumiðstöð fyrir þá sem þurfa á aðstoð að halda vegna jarðskjálfa á Suðurlandi 29. maí 2008.

Að miðstöðinni koma sveitarfélögin Árborg, Ölfus, Hveragerði og Flóahreppuri, Viðlagatrygging, Rauði krossinn, landlæknir og aðrir sem veita íbúum á svæðinu þjónustu vegna jarðskjálftanna. 
Til að byrja með verða starfræktar tvær miðstöðvar bæði á Selfossi í Tryggvaskála við Ölfusárbrú og í Hveragerði í húsnæði Rauða krossins við Austurmörk.
Markmiðið er að tryggja félagslega og fjárhagslega velferð og heilsu íbúa og virkni samfélagsins.
Miðstöðvarnar verða opnaðar á morgun 31. maí 2008 klukkan 9:00. Til þjónustumiðstöðvarinnar geta allir leitað sem þurfa aðstoð eða leiðbeiningar vegna afleiðinga jarðskjálftanna.
Símanúmer miðstöðvarinnar á Selfossi verður 486 8638. Símanúmer miðstöðvarinnar í Hveragerði verður auglýst síðar.