Fyrsti fundur umhverfisráðs

Á síðasta starfsmannafundi var ákveðið að kjósa í umhverfisráð leikskólans. Hlutverk ráðsins er að skipuleggja og stýra Grænfánavinnunni í leikskólanum. Í ráðinu situr Þórdís Bjarnadóttir leikskólastjóri, Judith Jónsdóttir fulltrúi Strumpadeildar, Kolbrún Lilja Kolbeinsdóttir fulltrúi Tígradeildar og Margrét Einarsdóttir fulltrúi Bangsadeildar.

Ráðið mun funda reglulega saman og skráðar verða fundagerðir. Miðvikudaginn 13.febrúar mun ráðið svo funda með elstu börnum leikskólans og er það fyrsta skrefið að markvissri vinnu með börnunum. Þau munu setja niður þekkingarvef um umhverfið og síðan verður rætt hvað hægt er að gera til að bæta umhverfismennt í skólanum.

Það sem búið er að gera á undanförnum mánuðum er að einn starfsmaður hefur séð um að yfirfara gátlista frá Landvernd. Þannig er hægt að sjá hvað má betur fara og skráð er niður hvernig við ætlum að bæta okkur á því sviði. Svo höfum við verið að safna í moltutunnuna okkar og í desember fengum við „græna tunnu“ sem í fer allur pappír og pappi, mjólkurfernur, plast – og álvörur. Allir plastpokar eru marnýttir í leikskólanum, krukkur margnýttar, blöðin nýtt eins og hægt er, og margt fleira. Næstu skref er að minnka notkun á batteríum í leikskólanum og aðeins verður keyptar inn umhverfisvænar ræstingavörur héðan í frá, örtrefjaklútar notaðir við ræstingu í stað pappírs, skoðað verður hvernig við getum sparað orku, vatn og rafmagn. Síðan er mikilvægt að skólinn fari að kynna verkefnið á vefnum og til foreldra.

Með grænum kveðjum

Umhverfisráð Krakkaborgar.