Snjómokstur

Mikil snjókoma hefur verið í Flóahreppi síðustu daga eins og annars staðar á Suðurlandi.
Flóahreppur gerði á dögunum samning við þrjá verktaka sem annast snjómokstur í sveitarfélaginu og verið er leggja lokahönd á samning við einn verktaka til viðbótar.
Verktakar fylgjast með og meta hvort þörf er á mokstri og hafa samband við Vegagerð, ef talin er ástæða til moksturs.
Snjómokstri er þannig háttað að verktakar skulu, ef þess er nokkur kostur, hafa hreinsað alla tengivegi fyrir kl. 8 morgni þá daga sem mokað er.

Markmiðið með snjómokstrinum er að koma börnum í skólann og greiða aksturleiðir þeirra sem þurfa til vinnu, mjólkurbíla osfrv.
Ekki er mokað þegar veður er þannig að það fennir jafnóðum í förin.
Vegagerðin greiðir helming snjómoksturs á öllum tengivegum en það er alfarið sveitarfélagsins að greiða snjómokstur á safnvegum (afleggjurum heim að húsum).
Verktakar hreinsa safnvegi en ekki planið hjá íbúum, það er alltaf íbúa að hreinsa snjó í kringum sín hús, hvort sem er í dreifbýli eða þéttbýli.
Þeir íbúar sem ekki hafa tök á að hreinsa sitt plan geta sett sig í samband við skrifstofu í síma 482-3260 og óskað eftir hreinsun á eigin kostnað.