Þingmannafundur

Fulltrúar sveitarstjórnar Flóahrepps áttu fund með þingmönnum Suðurkjördæmis í Vík í Mýrdal föstudaginn 26. október.
Samkvæmt áætlun átti sveitarstjórn að hitta þingmenn í Þorlákshöfn fimmtudaginn 25. október en sökum áður skipulagðrar ferðar sveitarstjórnar um Flóahrepp var ákveðið að fara til Víkur og funda ásamt sveitarstjórnarmönnum Mýrdalshrepps með þingmönnum.

Fulltrúar Flóahrepps voru Aðalsteinn Sveinsson, Guðbjörg Jónsdóttir, Guðmundur Stefánsson og Margrét Sigurðardóttir.
Ýmsilegt bar á góma varðandi Flóahrepp, s.s. vatnsmál, hitaveitumál, samgöngumál, hátt verð á raforku og virkjanamál.
Fundurinn var góður, þingmenn hlustuðu á sveitarstjórnarmenn og líflegar umræður spunnust um þau mál sem brenna á sveitarstjórnarmönnum.