Þá er Fjörið mikla að nálgast, en Fjör í Flóanum er fjölskyldu- og menningarhátíð sem verður haldin í Flóahreppi 24. – 27. maí næstkomandi.
Dagskráin fylgir hér á eftir og er vonandi að sem flestir finni eitthvað við sitt hæfi, hvort sem það er hellaskoðun, útileikhús, ratleikur, gönguferð, tískusýning, magadans, vorplöntur, forvitnilegt fyrirtæki, kaffi og terta eða eitthvað allt annað!
Verið velkomin í Flóahrepp að njóta náttúru, áhugaverðra viðburða og skemmtunar.
Fimmtudagur 24. maí:
12:00 Sveitabúðin Sóley í Tungu býður upp á fallega gjafa- og nytjavöru fyrir heimili og sumarbústaði. Í tilefni af Fjöri í Flóa verður veittur 10% afsláttur af öllum vörum þessa einu helgi. Boðið verður upp á„sumardrykk“ að hætti hússins. Njóttu sveitasælunnar og þess að kíkja við í minnstu búð landsins með stærsta hjartað 🙂
13:00 – 18:00 Ullarvinnslan Þingborg: Verslun með ullarvörur og margskonar annað vandað handverk. Sýning á færeyskum ullarvörum sem Þingborgarkonur keyptu í ferð kirkjukórs Hraungerðis þangað. Gestum er boðið að spreyta sig í árlegri langþráðarkeppni sem stendur alla dagana og snýst um að spinna sem lengstan þráð úr 2 gr af ull og bæta núverandi met sem er 41.66 metrar.
Þennan dag er árlegur ókeypis skiptimarkaður á vorplöntum – hægt er að koma með yfirfljótanlegar sáðplöntur, stiklinga eða blómkekki og fá eitthvað annað í staðinn. Kynningarpakkar á lífrænu grænmeti frá Akri verða til sölu og áskriftarþjónusta þeirra kynnt.
Föstudagur 25. maí:
10:00 – 19:00 Þingborg: Sýning og kynning á handverki og listmunum úti og inni. Íslandsteppið sem er bútasaumsteppi úr rúmlega þrjú þúsund bútum, vörukynning frá Ísplöntum í Ölvisholti, Liston sýnir tréskúlptúra og margt fleira. Í dagsins önn, heimildamyndir um gamla búskaparhætti sýndar á breiðtjaldi kl. 15:00. Ungar skríða úr eggjum, kettlingar og kaffisala, heitu pottarnir opnir. Gott hjólastólaaðgengi. Lykill að ratleik um Flóahrepp afhentur í Þingborg.
11:00 – 12:00 Þjórsárver: Skólaslit Tónlistarskóla Árnesinga í Flóaskóla, allir nemendur Ian Wilkinson í Flóaskóla koma fram á tónleikunum. Að auki mun kór skólans syngja og nemendur úr 7. bekk lesa ljóð. Dagskráin er öllum opin, en forráðamenn tónlistarnemanna eru sérstaklega hvattir til að mæta.
12:00 Sveitabúðin Sóley í Tungu býður upp á fallega gjafa- og nytjavöru fyrir heimili og sumarbústaði. Í tilefni af Fjöri í Flóa verður veittur 10% afsláttur af öllum vörum þessa einu helgi. Boðið verður upp á „sumardrykk“ að hætti hússins. Njóttu sveitasælunnar og þess að kíkja við í minnstu búð landsins með stærsta hjartað 🙂
12:00 – 16:00 Leikskólinn Krakkaborg, Þingborg: Opið hús, kveiktur varðeldur, glóðarsteikt snogbrød að dönskum sið með íslensku smjeri, andlitsmálun fyrir þá sem vilja. Kórinn syngur nokkur vel valin lög.
13:00 – 16:00 Skrifstofa Flóahrepps, Þingborg: Opið hús á skrifstofu Flóahrepps, kynning á starfseminni, tillögur að nýju byggðamerki hreppsins til sýnis, kaffi á könnunni. Hörpukórinn syngur fyrir gesti ásamt leikskólabörnum kl. 13:30. Verðlaun verða afhent fyrir nýtt byggðamerki Flóahrepps.
13:00 – 18:00 Ullarvinnslan Þingborg: Verslun með ullarvörur og margskonar annað vandað handverk. Kynnist þjóðlegu handverki, fræðist um allt sem viðkemur íslenskri ull og vinnslu á henni. Sýning á færeyskum ullarvörum, langþráðarkeppnin heldur áfram.
16:00 – 18:00 UIlarvinnslan Þingborg: Umræðuhópur í áframhaldi sögunnar af Skotmannshól í fyrra, og reifað hvernig þau Hildur og Örn í Vælugerði hafi verið klædd. Jörmundur Reykjavíkurgoði og áhugafólk um klæðnað á víkingatímanum mæta. Almenningi er gefinn kostur á að koma og fylgjast með umræðunum.
17:00 – 03:00 Sveitakráin Krían er ekta íslensk sveitakrá með íslenskan mat og drykk.
19:30 Timburhólar: Heitt í kolunum í skógræktarreit Umf. Samhygðar, takið með ykkur eitthvað gott á grillið. Leikhópur ungmennafélaganna í Flóahreppi sýnir á sér óvæntar hliðar.
21:00 Félagslundur: Fjölskylduskemmtun undir stjórn skemmtinefndar Umf. Samhygðar. Léttir leikir, skemmtiatriði og diskótek fyrir yngri kynslóðina.
Laugardagur 26. maí:
10:00 – 15:00 ParaLamp, Gegnishólaparti: Opið hús: Framleiðslufyrirtækið ParaLamp ehf sérhæfir sig í ýmiskonar framleiðslu úr ryðfríu stáli, aðallega fyrir maðvælaiðnaðinn. Einnig eru smíðaðar innréttingar í hesthús og annað sem til fellur. Öllum er óhætt að kíkja ef eitthvað þarf að smíða. Sveitungar geta komið og kynnt sér hvað upp á er boðið og skoðað vélakostinn á verkstæðinu. Heitt á könnunni.
10:00 – 17:00 Þingborg: Sýning og kynning á handverki og listmunum úti og inni. M.a. Íslandsteppið úr rúmlega 3.000 bútum, vörukynning frá Ísplöntum í Ölvisholti, Liston sýnir tréskúlptúra og margt fleira. Í dagsins önn, heimildamyndir um gamla búskaparhætti sýndar á breiðtjaldi kl. 15:00. Fyrir unga fólkið: Stór hoppukastali, útileikir, ungar skríða úr eggjum, kettlingar og fleira. Kaffisala, heitu pottarnir opnir. Gott hjólastólaaðgengi. Lykill að ratleik um Flóahrepp afhentur.
11:00 Miklholtshellir: Hellaskoðun. Manngerður hellir, talinn frá dögum Papa. Gunnhildur Gísladóttir blæs í klarinett og athugar hljómburðinn. Kaffi á könnunni.
12:00 Sveitabúðin Sóley í Tungu býður upp á fallega gjafa- og nytjavöru fyrir heimili og sumarbústaði. Í tilefni af Fjöri í Flóa verður veittur 10% afsláttur af öllum vörum þessa einu helgi. Boðið verður upp á „sumardrykk“ að hætti hússins. Njóttu sveitasælunnar og þess að kíkja við í minnstu búð landsins með stærsta hjartað 🙂
12:00 – 14:00 Þingborg: Kvenfélagskonur verða með ýmislegt á prjónunum og leiðbeina þeim sem lítið eða ekkert kunna að prjóna.Verið óhrædd að kíkja til þeirra. Þær verða líka með snældustokk og halasnældu og hvetja karla og konur til að koma og grípa í halasnælduna.
12:00 – 03:00 Sveitakráin Krían er ekta íslensk sveitakrá með íslenskan mat og drykk.
13:00 – 16:00 Urriðafoss: Kvenfélag Villingaholtshrepps verður með kaffisölu við Urriðafoss. Boðið verður upp á gómsætar samlokur og rjúkandi kakó. Nú er um að gera að slá tvær flugur í einu höggi, njóta náttúrufegurðarinnar við Urriðafoss og fá sér gott í svanginn í leiðinni. Tilvalinn áningarstaður fyrir alla fjölskylduna.
13:00 – 17:00 Ullarvinnslan Þingborg: Verslun með ullarvörur og margskonar annað vandað handverk. Kynnist þjóðlegu handverki, fræðist um allt sem viðkemur íslenskri ull og vinnslu á henni. Sýning á færeyskum ullarvörum, langþráðarkeppnin heldur áfram.
13:00 – 19:00 Tré og list, Forsæti III: Opið hús. Framkvæmdir standa nú yfir í Tré og list. Ætlunin er að opna í ágúst næstkomandi. Gestum er velkomið að líta á framkvæmdir á staðnum.
14:00 – 15:00 Göngutúr við Urriðafoss: Lagt verður af stað frá malargryfjunni neðan við Urriðafoss og gengið upp með ánni. Einar Helgi Haraldsson bóndi að Urriðafossi, verður göngustjóri. Nú gefst einstakt tækifæri á að skoða fossinn og ána frá öðru sjónarhorni og fræðast m.a. um hugsanlegar virkjunarframkvæmdir og fleira. Að göngu lokinni er upplagt að koma við í kaffisölunni og fá sér eitthvað gott í gogginn.
20:00 Þingborg: Tónar og tíska. Fellur niður.
Sunnudagur 27. maí:
12:00 Sveitabúðin Sóley í Tungu býður upp á fallega gjafa- og nytjavöru fyrir heimili og sumarbústaði. Í tilefni af Fjöri í Flóa verður veittur 10% afsláttur af öllum vörum þessa einu helgi. Boðið verður upp á „sumardrykk“ að hætti hússins. Njóttu sveitasælunnar og þess að kíkja við í minnstu búð landsins með stærsta hjartað 🙂
12:00 – 24:00 Sveitakráin Krían er ekta íslensk sveitakrá með íslenskan mat og drykk.
13:00 – 17:00 Þingborg: Sýning og kynning á handverki og listmunum úti og inni, Íslandsteppið, Liston sýnir tréskúlptúra, vörukynning frá Ísplöntum í Ölvisholti og margt fleira. Í dagsins önn, heimildamyndir um gamla búskaparhætti sýndar á breiðtjaldi. Ungar skríða úr eggjum, kettlingar og kaffisala, heitu pottarnir opnir. Gott hjólastólaaðgengi. Lykill að ratleik um Flóahrepp afhentur.
13:00 – 17:00 Ullarvinnslan Þingborg: Verslun með ullarvörur og margskonar annað vandað handverk. Kynnist þjóðlegu handverki, fræðist um allt sem viðkemur íslenskri ull og vinnslu á henni. Sýning á færeyskum ullarvörum, langþráðarkeppnin heldur áfram.
13:00 – 19:00 Tré og list, Forsæti III: Opið hús. Framkvæmdir standa nú yfir í Tré og list. Ætlunin er að opna í ágúst næstkomandi. Gestum er velkomið að líta á framkvæmdir á staðnum.
16:00 Þingborg: Sameinast í bíla og lagt upp í gönguferð á Hvítárbökkum, úr Merkurhrauni að flóðgáttinni, inntaksmannvirki Flóaáveitunnar. Margt og margvíslegt er að sjá á leiðinni. Vegalengd um 6 km, auðveld ganga. Göngustjóri Bolli Gunnarsson.