Flóahreppur, nýtt sveitarfélag sem varð til við sameiningu þriggja hreppa á síðasta ári, efnir til hugmyndasamkeppni um byggðamerki.
Byggðamerkið skal unnið í samræmi við reglugerð 112/1999 og hafa skírskotun til Flóahrepps.
Nánari upplýsingar um gerð og skráningu byggðamerkja má finna á vefnum www.els.is
Tillögum skal skila í lit og í svart/hvítu með lýsingu á merkingu og hugmynd merkis.
Tillögur þurfa að vera merktar dulnefni og rétt nafn höfundar skal fylgja með í lokuðu umslagi, merktu dulnefninu.
Verðlaunaupphæð er kr. 100.000 fyrir byggðamerki en áskilinn er réttur til að hafna öllum tillögum.
Frestur til að skila inn tillögum er til og með 13. apríl 2007.
Tillögur sendist til:
Flóahreppur, Þingborg, 801 Selfoss, merkt byggðamerki.