Eins og flestir vita er Flóaskóli Leiðtogaskóli í umferðarfræðslu á Suðurlandi. Vikan 26. febrúar – 2. mars verður helguð umferðarátaksmálum í Flóaskóla. Nemendur munu vinna fjölbreytt þemaverkefni sem helguð eru þessum mikilvæga málaflokki. Vikunni lýkur svo með hátíð föstudaginn 2. mars kl. 11. Á hátíðinni gefst kostur á að skoða verk nemenda, auk þess að hlýða á ávörp frá lögreglunni og fulltrúa frá forsvarsmönnum verkefnisins, en þeir koma frá Umferðarstofu og Samgönguráðuneytinu. Íbúar Flóahrepps eru hvattir til að heimsækja skólann föstudaginn 2. mars, kynna sér það starf sem þar fer fram og þiggja léttar veitingar.