Velkominn á heimasíðu Flóahrepps sem tekin var í notkun 16. febrúar 2007. Stefnt er að því að síðan innihaldi alhliða upplýsingar fyrir alla þá sem áhuga hafa á sveitarfélaginu og málefnum þess.
Það var fyrirtækið Aicon á Selfossi sem hannaði heimasíðuna og sá um uppsetningu hennar. Síðunni er ætlað að vera aðgengileg og þægileg í notkun enda sjálfsögð krafa íbúa í nútímasamfélagi að geta nálgast allar upplýsingar sem viðkemur stjórnsýslu, þjónustu og afþreyingu í hverju sveitarfélagi á einfaldan og auðveldan máta.
Síðan www.floahreppur.is er þannig uppbyggð að öllum stofnunum Flóahrepps er gert jafnhátt undir höfði. Þannig eru tenglar inn á hverja stofnun þar sem hægt er að nálgast upplýsingar um hverja þeirra fyrir sig. Á forsíðu verða fréttir og tilkynningar, ásamt ýmsu öðru efni.
Með von um ánægjulega heimsókn á heimasíðu Flóahrepps.
Margrét Sigurðardóttir, sveitarstjóri.