Atvinnuþróunarfélag Suðurlands í samvinnu við sveitarstjórn og atvinnunefnd Flóahrepps mun standa fyrir kynningarfundi á stoðkerfi atvinnulífsins á Suðurlandi. Fundurinn verður haldinn þriðjudaginn 1. febrúar 2011 í Þjórsárveri kl. 20.30. – 22.30.
Eftirtaldir aðilar kynna starfsemi sína:
· Atvinnuþróunarfélag Suðurlands
· Vaxtasamningur Suðurlands
· Háskólafélag Suðurlands
· Menningarráð Suðurlands
· Markaðsstofa Suðurlands
Að auki kynnir Bjarni Sigurðsson hjá Formax í Flóahreppi starfsemi fyrirtækisins.
Gefinn verður kostur á spurningum og umræðum.
Rekstraraðilar, sveitarstjórnarmenn, atvinnumálanefnd, einstaklingar með hugmyndir og að sjálfsögðu allir áhugasamir íbúar sveitarfélaganna eru hvattir til að mæta og kynna sér starfsemi stoðkerfisins á Suðurlandi.