Sveitarstjórn Flóahrepps hefur enn og aftur skorað á Vegagerðina að sinna nauðsynlegu viðhaldi á Hamarsvegi (308) frá Félagslundi að Flóaskóla á næsta ári. Um slíkt viðhald hefur ekki verið að ræða um árabil.
Gjörbreyttar forsendur eru varðandi umferðarþunga á þessum malarvegi nú á stuttum tíma. Þar má nefna skólaakstur grunnskólanemenda í Flóaskóla og einnig mikla fjölgun íbúðarhúsnæðis og íbúa í þessum hluta sveitarfélagsins.