Á fundi sem haldinn var í Félagslundi 14. nóvember s.l. gafst íbúum sveitarfélagsins tækifæri til að fara yfir ýmis mál með sveitarstjóra og oddvita. Má þar nefna m.a. Hamarsveginn sem allir eru sammála um að þarf að lagfæra en er nánast alltaf í mjög slæmu ásigkomulagi. Vegurinn er mjög fjölfarinn og tengir saman tvö hverfi í sveitarfélaginu og ljóst að hann þarfnast verulegra úrbóta.
Einnig var rætt um farsíma- og internetsamband, samþykkt um hundahald sem er í vinnslu og kosningar næsta vor.