Fjallað hefur verið um rafmagnsmál í Flóahreppi á nokkrum fundum sveitarstjórnar, þar á meðal á fundi 4. júní s.l.
Sveitarstjórn samþykkti þá að óska eftir tímasettri framkvæmdaáætlun frá Rarik um þriggja fasa rafvæðingu í Flóahreppi og ítrekaði bókun sína frá 27. febrúar s.l. um að lokið verði við lagningu og tengingu þriggja fasa rafmagns í öllu sveitarfélaginu sem allra fyrst.
Jafnframt var lýst yfir vonbrigðum með að þeirri framkvæmd skuli ekki þegar vera lokið.