Í tilefni af 100 ára afmæli Ungmennafélagsins Samhygðar og 90 ára afmælis Kvenfélags Gaulverjabæjarhrepps buðu félögin til veislu í Félagslundi 21. júní s.l.
Boðið var upp á hátíðarmat sem kvenfélagskonur útbjuggu og skemmtidagskrá. Þar má nefna leikritið Gilitrutt sem félagar úr leikfélagi U.M.F. Vöku fluttu og leikþátt og söngatriði sem kvenfélagskonur sömdu og fluttu.Margir kvöddu sér hljóðs og fluttu félögunum ávörp, ræður voru fluttar og gjafir gefnar. Að lokum var dansinn stiginn við undirleik hljómsveitarinnar Klaufanna.
Formenn félaganna, Stefán Geirsson og Margrét Jónsdóttir stjórnuðu dagskrá með glæsibrag.